EPFમાં જમા રુપિયા આપના છે ગુલામ, ટેક્સ-સેવિંગ્સ અને ઇમરજન્સીની પરિસ્થિતિઓમાં આપ કહો તેમ કરે છે કામ

EPFમાં જમા થયેલા પૈસા પર દર વર્ષે સરકાર વ્યાજ નક્કી કરે છે. સરકારે ફાઇનાન્શિયલ વર્ષ 2024-25 માટે વ્યાજ દર 8.25 ટકા નક્કી કર્યો છે. જ્યારે બેન્કોની FD પર મેક્સિમમ વ્યાજ 6.5-7 ટકાની વચ્ચે હોય છે, ત્યારે 8 ટકાનું વ્યાજ ખૂબ આકર્ષક કહી શકાય. આટલું ઊંચું વ્યાજ ભાગ્યે જ અન્ય કોઈ નિશ્ચિત રિટર્ન ઇન્વેસ્ટ યોજનામાં ઉપલબ્ધ છે. ઊંચા વ્યાજ દરને કારણે, EPFમાં જમા કરાયેલા રુપિયાનો વિકાસ સારો રહે છે.

ટેક્સ કપાતનો પણ લાભ

કર્મચારીના EPF એકાઉન્ટમાં યોગદાન પર પણ ટેક્સ કપાતનો લાભ ઉપલબ્ધ છે. આવકવેરા અધિનિયમ, 1961ની કલમ 80સી હેઠળ, જો ફાઇનાન્શિયલ વર્ષમાં EPF એકાઉન્ટમાં તમારું કુલ યોગદાન 2.5 લાખ રૂપિયા કે તેથી ઓછું હોય, તો તેના પર મળતું વ્યાજ કરમુક્ત છે. પરંતુ, જો ફાળો 2.5 લાખ રૂપિયાથી વધુ હોય, તો વધારાની રકમ પર મળતું વ્યાજ ટેક્સેબલ છે.

ઇમરજન્સીની પરિસ્થિતિઓમાં પણ ઉપયોગી

EPFમાં જમા થયેલા પૈસા તમારા માટે ઇમરજન્સી ફંડ તરીકે પણ કામ કરે છે. EPFOના નિયમો કર્મચારીને ઘણી પરિસ્થિતિઓમાં EPFમાં જમા કરાયેલા પૈસામાંથી કેટલાક ઉપાડવાની મંજૂરી આપે છે. ઉદાહરણ તરીકે EPFમાં જમા કરાયેલા કેટલાક પૈસા પુત્ર/પુત્રી અથવા ભાઈ/બહેનની સારવાર માટે ઉપાડી શકાય છે. બેરોજગારીના કિસ્સામાં કર્મચારી તેના EPF એકાઉન્ટમાં જમા થયેલા પૈસા ઉપાડી શકે છે. બાળકોના ઉચ્ચ શિક્ષણ માટે પૈસા ઉપાડી શકાય છે.

આ પણ વાંચો-‘મને અલ્લાહ તરફથી ચાર લગ્ન કરવાની પરવાનગી મળી છે!’ પત્ની સામે આપેલા નિવેદન બદલ ટ્રોલ થયો પાકિસ્તાની અભિનેતા