Budget 2024: સરકાર NPSને લઈને કરી શકે છે મોટી જાહેરાત... ટેક્સ મુક્તિમાં વધારાની અપેક્ષા!

વડાપ્રધાન નરેન્દ્ર મોદીની આગેવાની હેઠળની NDA સરકાર 23 જુલાઈએ બજેટ (Budget 2024) રજૂ કરવા જઈ રહી છે. લોકોને આ બજેટ પાસેથી ઘણી અપેક્ષાઓ છે અને તેમાં નેશનલ પેમેન્ટ સ્કીમ એટલે કે NPS હેઠળ ઉપલબ્ધ વધારાની કર મુક્તિનો અવકાશ વધારવાની આશાનો સમાવેશ થાય છે. સરકારે FY2015-16માં NPSમાં 50,000 રૂપિયા સુધીની વધારાની ટેક્સ કપાતની મંજૂરી આપી હતી. એવું માનવામાં આવે છે કે બજેટ રજૂ કરતી વખતે નાણામંત્રી નિર્મલા સીતારમણ આ મર્યાદા વધારવાની જાહેરાત કરી શકે છે.

અત્યારે મળે છે આટલી ટેક્સ છૂટ

કોઈ વ્યક્તિ જૂની ટેક્સ વ્યવસ્થામાં કલમ 80CCD (1B) હેઠળ રાષ્ટ્રીય પેન્શન યોજના (NPS)માં તેના યોગદાન માટે રૂપિયા 50,000 સુધીની કપાતનો લાભ લઈ શકે છે, જે નવી ટેક્સ વ્યવસ્થામાં લાગુ પડતી નથી. આ કપાત આવકવેરા કાયદાની કલમ 80CCD (1B) હેઠળ ઉપલબ્ધ છે. આ ટેક્સ બેનિફિટ NPSને રોકાણનો સારો વિકલ્પ બનાવે છે.

આ યોજના હેઠળ, કર્મચારીઓ તેમના મૂળભૂત પગાર (વત્તા DA)ના 10 ટકા સુધીના યોગદાન પર ટેક્સ કપાતનો દાવો કરી શકે છે. જે કલમ 80Cની કુલ રોકાણ લિમિટ હેઠળ રૂપિયા 1.5 લાખ સુધી આવે છે. આ સિવાય કલમ 80CCD (1B) હેઠળ 50,000 રૂપિયાની વધારાની કપાત કરી શકાય છે. મોદી સરકારના આ બજેટથી એવી પણ અપેક્ષા રાખવામાં આવી રહી છે કે નવી ટેક્સ વ્યવસ્થામાં NPSને પણ છૂટ આપવામાં આવે.

નવી ટેક્સ વ્યવસ્થામાં પણ મુક્તિની માંગ

એક અહેવાલ અનુસાર નિષ્ણાતો નવા ટેક્સ વ્યવસ્થામાં સેક્શન 80CCD (1B) હેઠળ નેશનલ પેન્શન સિસ્ટમ (NPS)માં 50,000 રૂપિયા સુધીના યોગદાન માટે ટેક્સ મુક્તિને મહત્વ આપી રહ્યા છે. તેમનું સૂચન છે કે નવી ટેક્સ વ્યવસ્થામાં આ મુક્તિનો સમાવેશ કરવો વધુ ફાયદાકારક રહેશે. જો સરકાર આવો નિર્ણય લે છે, તો તેનો એક ફાયદો એ થશે કે જૂની ટેક્સ સિસ્ટમની જેમ નવી ટેક્સ સિસ્ટમમાં શિફ્ટ થવા માટે પ્રોત્સાહન મળી શકે છે.

NPS ગ્રાહક આધાર 180 મિલિયન