એસરનો સ્માર્ટફોન લોન્ચ, 10,000 રૂપિયાથી ઓછી કિંમતમાં 64MP કેમેરાવાળો 5G ફોન

ભારતીય સ્માર્ટફોન બજારમાં એક નવો પ્લેયર સામેલ થયો છે. લેપટોપ નિર્માતા કંપની એસરે પોતાનો પ્રથમ સ્માર્ટફોન એસર સુપર ZX 5G લોન્ચ કર્યો છે. આ સ્માર્ટફોનને 10,000 રૂપિયાથી ઓછી કિંમતે બજારમાં ઉતારવામાં આવ્યો છે. આ ફોનને ઈ-કોમર્સ વેબસાઈટ એમેઝોન પર લિસ્ટ કરવામાં આવ્યો છે, જ્યાં તેના માટે એક ડેડિકેટેડ પેજ બનાવવામાં આવ્યું છે. આ ફોન ખાસ કરીને ભારતીય યૂઝર્સને ધ્યાનમાં રાખીને બજેટ સેગમેન્ટમાં રજૂ કરવામાં આવ્યો છે.

એસર સુપર ZX 5Gની કિંમત

એસરે આ સ્માર્ટફોનની કિંમત હજુ જાહેર કરી નથી. આ ફોનનું પ્રથમ વેચાણ 25 એપ્રિલે એમેઝોન પર થશે, જ્યાં તેની કિંમત જાહેર કરવામાં આવશે. જોકે, કંપનીએ એમેઝોન પર ફોનની કિંમત X,X90 રૂપિયા તરીકે દર્શાવી છે, એટલે કે આ ફોન 10,000 રૂપિયાથી ઓછી કિંમતમાં ઉપલબ્ધ થશે.

મળશે આ ફીચર્સ

એમેઝોન પર શેર કરવામાં આવેલી માહિતી અનુસાર, એસરનો આ સ્માર્ટફોન 120Hz રિફ્રેશ રેટ અને 240Hz ટચ સેમ્પલિંગ રેટ સાથેના FHD+ ડિસ્પ્લે સાથે આવશે. આ ફોનની જાડાઈ 8.6mm છે અને તે 5G કનેક્ટિવિટીને સપોર્ટ કરે છે. એસરના આ ફોનમાં ગેમિંગ માટે હાઈપર એન્જિન આપવામાં આવ્યું છે. આ ઉપરાંત, તે ડાયનામિક રેમ ફીચર સાથે આવે છે.

આ સ્માર્ટફોનમાં MediaTek Dimensity 6300 5G પ્રોસેસર મળશે. ફોન ટ્રિપલ કેમેરા સેટઅપ સાથે આવશે, જેમાં 64MPનો પ્રાઈમરી કેમેરા હશે. આ ઉપરાંત, ફોનના બેકમાં 2MPના બે અન્ય કેમેરા પણ હશે. કંપનીનો દાવો છે કે આ સેગમેન્ટમાં Sony સેન્સરવાળો આ પ્રથમ ફોન હશે. ફોનમાં 5,000mAhની શક્તિશાળી બેટરી અને ફાસ્ટ ચાર્જિંગ ફીચરનો સપોર્ટ મળશે.

એસરનો આ સ્માર્ટફોન 10,000 રૂપિયાની કિંમત રેન્જમાં આવતા રેડમી, રિયલમી, ઈન્ફિનિક્સ, લાવા અને સેમસંગ જેવા બ્રાન્ડ્સના સસ્તા સ્માર્ટફોનને કડક ટક્કર આપી શકે છે. કંપનીનો દાવો છે કે આ કિંમત રેન્જમાં આવતા અન્ય તમામ સ્માર્ટફોનની સરખામણીએ આ ફોનમાં વધુ સારા ફીચર્સ મળશે.