BEL Share Price: ભારત ઇલેક્ટ્રોનિક્સને મળ્યો 1640 કરોડનો નવો ઓર્ડર, દેશની સુરક્ષા થશે વધુ મજબૂત

BEL Share Price: નવરત્ન સ્ટેટસ ધરાવતી સરકારી કંપની ભારત ઇલેક્ટ્રોનિક્સ લિમિટેડ (BEL)ને ભારતીય સેના તરફથી 1640 કરોડનો નવો ઓર્ડર મળ્યો છે. આ ઓર્ડર એયર ડિફેન્સ ફાયર કંટ્રોલ રડાર્સ (અતુલ્ય) માટે છે, જે દેશની હવાઈ સુરક્ષાને વધુ મજબૂત કરશે. BELએ એરોસ્પેસ અને ડિફેન્સ સેક્ટરની અગ્રણી કંપની છે, જે રક્ષા મંત્રાલય હેઠળ કાર્યરત છે અને તેનું માર્કેટ કેપ લગભગ 3 લાખ કરોડ છે.

સ્વદેશી રડારની ખાસિયતો

ડીઆરડીઓ (DRDO) દ્વારા ડિઝાઇન કરાયેલા અને BEL દ્વારા બનાવવામાં આવેલા આ રડાર્સ સ્વદેશી ટેક્નોલોજીનું ઉત્તમ ઉદાહરણ છે. આ રડાર્સ દરેક પ્રકારના હવામાનમાં, દિવસ-રાત હવાઈ ખતરાઓથી રક્ષણ આપે છે. આ રડાર્સનો ઉપયોગ સર્વેલન્સ, એક્વિઝિશન, એયર ટાર્ગેટ્સને ટ્રેક કરવા અને એયર ડિફેન્સ ગન્સને કંટ્રોલ કરવા માટે થાય છે. આ ઓર્ડર ભારતની સેનાની તાકાતમાં વધારો કરશે અને સ્વદેશી રક્ષા ઉત્પાદનોને પ્રોત્સાહન આપશે.

BELના શેરમાં ઘટાડો

25 જુલાઈએ ભારત ઇલેક્ટ્રોનિક્સના શેરમાં ઘટાડો જોવા મળ્યો. BSE પર શેર સવારે 398.30 પર ખૂલ્યો અને 400.70ના હાઈ સુધી પહોંચ્યો. જોકે, દિવસ દરમિયાન તે પાછલા બંધ ભાવથી 1%થી વધુ ઘટીને 393.50ના લો સુધી ગયો. આખરે શેર 395.20 પર સેટલ થયો. જૂન 2025 સુધી સરકાર પાસે કંપનીમાં 51.14% હિસ્સેદારી છે.

BELનું મહત્વ

ભારત ઇલેક્ટ્રોનિક્સ દેશની રક્ષા ક્ષેત્રે મહત્વની ભૂમિકા ભજવે છે. આ નવો ઓર્ડર માત્ર કંપનીની આર્થિક સ્થિતિને મજબૂત કરશે નહીં, પરંતુ ભારતની સેનાને અદ્યતન ટેક્નોલોજીથી સજ્જ કરશે. આ ઉપરાંત, સ્વદેશી ઉત્પાદનો પર ભાર આપવાથી ‘આત્મનિર્ભર ભારત’નું વિઝન પણ મજબૂત થશે.