રોકાણકારો માટે મોટી તક! Jio BlackRock ગિફ્ટ સિટીથી લોન્ચ કરશે 2 નવા આઉટબાઉન્ડ ફંડ, જાણો તમામ વિગતો

જો તમે તમારા પોર્ટફોલિયોને ડાયવર્સિફાય કરવા માટે વિદેશી શેરબજારોમાં રોકાણ કરવાનું વિચારી રહ્યા છો, તો તમારા માટે એક શાનદાર તક આવી રહી છે. જિયો બ્લેકરોક એસેટ મેનેજમેન્ટ આગામી 2 મહિનાની અંદર ગુજરાતના ગિફ્ટ સિટી પ્લેટફોર્મ પરથી બે નવા 'આઉટબાઉન્ડ ફંડ્સ' લોન્ચ કરવાની તૈયારી કરી રહ્યું છે. કંપનીને વિદેશી કંપનીઓમાં રોકાણ કરવા માટે રેગ્યુલેટર તરફથી લીલી ઝંડી પણ મળી ચૂકી છે.

કયા બે નવા ફંડ્સ થશે લોન્ચ?

તાજેતરમાં યોજાયેલી એક મ્યુચ્યુઅલ ફંડ સમિટમાં જિયો બ્લેકરોક એસેટ મેનેજમેન્ટના ચીફ ઇન્વેસ્ટમેન્ટ ઓફિસર ઋષિ કોહલીએ આ નવા ફંડ્સ વિશે વિસ્તારપૂર્વક માહિતી આપી હતી.તેમણે જણાવ્યું કે કંપનીને ગિફ્ટ સિટીનું સત્તાવાર લાઇસન્સ મળી ગયું છે અને શરૂઆતમાં આ 2 ફંડ્સ માર્કેટમાં ઉતારવામાં આવશે.

ગ્લોબલ ઇક્વિટી ફંડ : આ ફંડ દ્વારા વિશ્વભરની મોટી અને પ્રતિષ્ઠિત કંપનીઓના શેરોમાં રોકાણ કરવામાં આવશે.

ઇમર્જિંગ માર્કેટ ફંડ : આ ફંડનું મુખ્ય ફોકસ એવા દેશોના શેરબજારો પર રહેશે, જે દેશોની અર્થવ્યવસ્થા ઝડપથી વિકાસ કરી રહી છે.

ફંડની પસંદગી કેવી રીતે થઈ?

ઋષિ કોહલીએ વધુમાં જણાવ્યું કે, કંપનીએ બ્લેકરોકના ગ્લોબલ પ્રોડક્ટ્સમાંથી 10 જેટલા શ્રેષ્ઠ પ્રોડક્ટ્સ શોર્ટલિસ્ટ કર્યા છે. આ પ્રોડક્ટ્સની પસંદગી ફેમિલી ઓફિસો, વેલ્થ એડવાઈઝર અને ડિસ્ટ્રિબ્યુટર્સના ખાસ ફીડબેક અને માંગના આધારે કરવામાં આવી છે, જેમાંથી સૌથી પહેલા આ 2 ફંડ્સ લોન્ચ થશે.