વેદાંત એલ્યુમિનિયમ અને ગેઈલ ગેસ વચ્ચે ડીલ, કરવામાં આવશે નેચરલ ગેસ સપ્લાય

વેદાંત એલ્યુમિનિયમે જાહેર ક્ષેત્રની ગેસ કંપની GAIL (India) Ltd સાથે કરાર કર્યા છે. આ કરાર ઓડિશાના ઝારસુગુડા ખાતે સ્થિત કંપનીના સ્મેલ્ટર યુનિટને કુદરતી ગેસના સપ્લાય માટે છે. દેશના અગ્રણી એલ્યુમિનિયમ ઉત્પાદકે GAIL (India) Ltd.ની પેટાકંપની GAIL Gas Ltd. સાથે ગેસ વેચાણ કરાર પર હસ્તાક્ષર કર્યા છે. વેદાંત એલ્યુમિનિયમે બુધવારે એક નિવેદનમાં જણાવ્યું હતું કે કુદરતી ગેસમાં આ ફેરફાર આવતા વર્ષના અંત સુધીમાં શરૂ થવાની સંભાવના છે. આનાથી કાર્બન ઉત્સર્જનમાં વાર્ષિક 47,292 ટનનો ઘટાડો થવાની ધારણા છે.

2050 સુધીમાં શૂન્ય કાર્બન ઉત્સર્જનનો ટાર્ગેટ

વેદાંત બેવડી વ્યૂહરચના અમલમાં મૂકીને 2050 સુધીમાં ચોખ્ખી શૂન્ય કાર્બન ઉત્સર્જન હાંસલ કરવા માટે પ્રતિબદ્ધ છે. આ ડબલ સ્ટ્રેટેજીમાં પુનઃપ્રાપ્ય ઉર્જાનો ઉપયોગ વધારવો અને 'કાર્બન સિંક' બનાવવો એટલે કે વનીકરણના પ્રયાસો દ્વારા કાર્બનને શોષવાનો સમાવેશ થાય છે. વેદાંતના નોન એક્ઝિક્યુટિવ ડિરેક્ટર અને હિન્દુસ્તાન ઝિંક લિ. ચેરપર્સન પ્રિયા અગ્રવાલ હેબ્બરે જણાવ્યું હતું કે, "ગેઇલ ગેસ લિમિટેડ સાથેની અમારી ભાગીદારી કાર્બન ઉત્સર્જન ઘટાડવા અને સ્વચ્છ ઉર્જા ઉકેલો અપનાવવાની અમારી પ્રતિબદ્ધતાનો પુરાવો છે."

7.5 કિલોમીટર લાંબી પાઇપલાઇન નાખવામાં આવશે