HCLTech Q2 results: IT કંપનીનો નફો રુપિયા 4,235 કરોડ પર ફ્લેટ, વચગાળાનું ડિવિડન્ડ જાહેર

HCLTech Q2 results: દેશની ત્રીજી સૌથી મોટી IT કંપની HCLTech એ 13 ઓક્ટોબરે તેના સપ્ટેમ્બર ક્વાર્ટર (Q2 FY26) ના પરિણામો જાહેર કર્યા. કંપનીનો ચોખ્ખો નફો ₹4,235 કરોડ હતો, જે લગભગ ગયા વર્ષના સમાન ક્વાર્ટર જેટલો જ હતો. HCLTech એ પ્રતિ શેર ₹12 ના વચગાળાના ડિવિડન્ડની જાહેરાત કરી.

IT કંપનીની આવક વાર્ષિક ધોરણે 11% વધીને ₹31,942 કરોડ થઈ, જે એક વર્ષ પહેલા ₹28,862 કરોડ હતી. આવક ત્રિમાસિક ધોરણે 5.2% વધી અને ચોખ્ખો નફો 10.17% વધ્યો. ઓપરેટિંગ માર્જિન 17.5% હતું, જે પાછલા ક્વાર્ટર કરતા 1.2% વધુ છે. HCLTech એ FY26 માટે વાર્ષિક 3-5% અને EBIT/ઓપરેટિંગ માર્જિન 17-18%ની રેન્જમાં જાળવી રાખ્યું છે.

કર્મચારી વૃદ્ધિ

નોઇડા-મુખ્ય મથક ધરાવતી HCLTech એ સપ્ટેમ્બર ક્વાર્ટરમાં 3,489 નવા કર્મચારીઓ ઉમેર્યા, જેનાથી કુલ સ્ટાફ સંખ્યા 226,640 થઈ ગઈ. વધુમાં, 5, 196 નવા ફ્રેશર્સને નોકરી પર રાખવામાં આવ્યા. ક્વાર્ટરમાં નવા સોદા (TCV) કુલ $૨.૫૬ બિલિયન થયા, જે ત્રિમાસિક ધોરણે 41.8% અને વાર્ષિક ધોરણે 15.8% વધુ છે.

મેનેજમેન્ટ સ્ટેટમેન્ટ

HCLTech ના CEO અને MD સી વિજયકુમારે જણાવ્યું હતું કે, "આ ક્વાર્ટર તમામ મોરચે ઉત્તમ રહ્યો. અમારી AI-સંબંધિત સેવાઓની માંગમાં વધારો થયો. આ ક્વાર્ટરમાં એડવાન્સ્ડ AI એ $100 મિલિયનથી વધુની આવક ઉત્પન્ન કરી. કોઈપણ મેગા-ડીલ્સ પર આધાર રાખ્યા વિના, નવા બુકિંગ $2.5 બિલિયનને વટાવી ગયા. અમે 3,489 લોકો ઉમેર્યા અને કર્મચારી દીઠ આવકમાં 1.8% નો વધારો થયો, જે અમારી AI વૃદ્ધિ વ્યૂહરચના સાથે સુસંગત છે.

HCLTech શેર