HDFC બેન્કના CEOની બેઝિક સેલરી 3.31 કરોડ રૂપિયા, જાણો વાર્ષિક રિપોર્ટ મુજબ અન્ય ડાયરેક્ટર્સને કેટલો પગાર અને બોનસ મળ્યું

સુપરએન્યુએશન બેનિફિટ્સ: 49.64 લાખ રૂપિયા

પરફોર્મન્સ બોનસ: 7.29 કરોડ રૂપિયા

આ ઉપરાંત તેમને 4,28,405 સ્ટોક ઓપ્શન્સ પણ ફાળવવામાં આવ્યા છે.

અન્ય એક્ઝિક્યુટિવ ડાયરેક્ટર્સની આવક કેટલી?

કૈઝાદ ભરૂચા: તેમની બેઝિક સેલરી 3.60 કરોડ રૂપિયા અને ભથ્થાં 4 કરોડ રૂપિયા રહ્યા છે. તેમને PF પેટે 43.16 લાખ અને સુપરએન્યુએશન માટે 53.95 લાખ રૂપિયા મળ્યા છે. તેમનું પરફોર્મન્સ બોનસ 8.57 કરોડ રૂપિયા રહ્યું. સૌથી વધુ 6,23,651 સ્ટોક ઓપ્શન્સ તેમને જ મળ્યા છે.

વી. શ્રીનિવાસ રંગન: બેઝિક સેલરી 4.03 કરોડ રૂપિયા અને ભથ્થાં 2.98 કરોડ રૂપિયા હતા. તેમને 3.18 કરોડ રૂપિયાનું બોનસ અને 2,93,538 સ્ટોક ઓપ્શન્સ મળ્યા છે.

ભાવેશ ઝવેરી : 18 એપ્રિલ 2026 ના રોજ તેમનો કાર્યકાળ પૂરો થયો હતો. તેમને 2.02 કરોડ રૂપિયાની બેઝિક સેલરી, 2.02 કરોડ રૂપિયાનું બોનસ અને 1,38,542 સ્ટોક ઓપ્શન્સ મળ્યા છે.

નોન-એક્ઝિક્યુટિવ ડાયરેક્ટર્સની 'સિટિંગ ફી'

બોર્ડની મીટિંગમાં હાજરી આપવા બદલ નોન-એક્ઝિક્યુટિવ ડાયરેક્ટર્સને લાખો રૂપિયાની ફી ચૂકવવામાં આવી છે. સૌથી વધુ 1.20 કરોડ રૂપિયાની સિટિંગ ફી સંદીપ પારેખને મળી છે. MD રંગનાથને 96 લાખ રૂપિયા, રેણુ કર્નાડને 83 લાખ રૂપિયા અને હર્ષ કુમાર ભનવાલાને 79 લાખ રૂપિયા મળ્યા છે. લીલી વડેરાને 69 લાખ, સુનીતા મહેશ્વરીને 45 લાખ અને સંતોષ કેશવનને 40 લાખ રૂપિયા મળ્યા છે. વચગાળાના ચેરમેન કેકી મિસ્ત્રીને 35 લાખ રૂપિયાની ફી મળી છે. સિટિંગ ફી ઉપરાંત, પાર્ટ-ટાઇમ ચેરમેન સિવાયના તમામ નોન-એક્ઝિક્યુટિવ ડાયરેક્ટર્સને RBIના નિયમ મુજબ 30 લાખ રૂપિયાનું ફિક્સ મહેનતાણું પણ આપવામાં આવ્યું છે.

ચેરમેન અતાનુ ચક્રવર્તી અને સુનીતા મહેશ્વરીની વિગતો

પાર્ટ-ટાઇમ ચેરમેન અતાનુ ચક્રવર્તીને વર્ષ માટે 50 લાખ રૂપિયાનું ફિક્સ મહેનતાણું મંજૂર કરાયું હતું. પરંતુ તેમણે 18 માર્ચ 2026 ના રોજ રાજીનામું આપ્યું હોવાથી તેમને પ્રો-રાટા આધારે 48.25 લાખ રૂપિયા ચૂકવાયા છે. 59 લાખ રૂપિયાની સિટિંગ ફી ઉમેરતા તેમની કુલ કમાણી 1.07 કરોડ રૂપિયા રહી છે.

બીજી તરફ, 30 માર્ચ 2026 ના રોજ ફરીથી સ્વતંત્ર ડિરેક્ટર તરીકે ચૂંટાયેલા સુનીતા મહેશ્વરીને પ્રમાણસર રકમ ચૂકવવામાં આવી છે અને બાકીના કાર્યકાળનું મહેનતાણું આવતા વર્ષે અપાશે.

આ પણ વાંચો-SBI Funds Management IPO: પ્રી-IPO રાઉન્ડ પછી સાઈઝ ઘટીને 9813 કરોડ થઈ, જાણો પ્રાઇસ બેન્ડ અને ડિસ્કાઉન્ટની વિગતો