ICICI Prudential Lifeનો શેર 9% તૂટીને 2 વર્ષના તળિયે: પ્રમોટરના હિસ્સા વેચાણના સમાચારથી બજારમાં ખળભળાટ, જાણો બ્રોકરેજનું શું કહેવું છે

ICICI Prudential Life share price: શેર બજારમાં 18 મેના રોજ ICICI Prudential Life Insurance કંપનીના શેરમાં મોટો કડાકો જોવા મળ્યો હતો. ટ્રેડિંગ સેશન દરમિયાન આ શેર લગભગ 9% જેટલો તૂટીને 489 રૂપિયાના બે વર્ષના નીચલા સ્તરે (Low) પહોંચી ગયો હતો. આ ભારે વેચવાલી પાછળનું મુખ્ય કારણ એક મોટા સમાચાર છે. રિપોર્ટ્સ મુજબ, કંપનીના પ્રમોટર ‘Prudential PLC' પોતાનો હિસ્સો ઘટાડીને 10% કરવાની તૈયારી કરી રહ્યા છે.

તમને જણાવી દઈએ કે, ICICI Prudential Life એ ICICI Bank અને યુકેની (UK) પ્રુડેન્શિયલ કોર્પ વચ્ચેનું એક જોઈન્ટ વેન્ચર છે.

Bharti Life Insurance સાથે મોટી ડીલ

રોયટર્સના રિપોર્ટ મુજબ, પ્રુડેન્શિયલ હવે Bharti Life Insurance કંપનીમાં 75% હિસ્સો ખરીદવા જઈ રહી છે. આ હિસ્સો તેઓ Bharti Life Ventures અને 360 ONE એસેટ મેનેજમેન્ટ કંપની પાસેથી ખરીદશે. આ મેગા ડીલ માટે પ્રુડેન્શિયલ શરૂઆતમાં 35 અબજ રૂપિયાનું રોકડ પેમેન્ટ કરશે. જો ભવિષ્યમાં અમુક શરતો પૂરી થશે, તો વધારાના 7 અબજ રૂપિયા પણ ચૂકવવામાં આવી શકે છે.

આ ડીલ પૂરી થયા પછી, ભારતમાં પ્રુડેન્શિયલનું મુખ્ય ફોકસ Bharti Life Insurance અને પ્રુડેન્શિયલ HCL હેલ્થ ઈન્સ્યોરન્સ પર રહેશે. જ્યારે ICICI પ્રુડેન્શિયલ લાઈફ અને ICICI પ્રુડેન્શિયલ એસેટ મેનેજમેન્ટ કંપનીમાં તેનો માત્ર માઈનોરિટી (નાનો) હિસ્સો રહેશે.

શા માટે હિસ્સો ઘટાડવો જરૂરી છે?

નિયમો અનુસાર, Bharti Life Insuranceમાં 75% હિસ્સો ખરીદવાની રેગ્યુલેટરી મંજૂરી મેળવવા માટે પ્રુડેન્શિયલને ICICI Prudential Life માં પોતાનો હિસ્સો 10% થી ઓછો કરવો પડશે. માર્ચ 2026 ના આંકડા મુજબ, કંપનીમાં પ્રુડેન્શિયલ પાસે 21.91% હિસ્સો હતો.