પશ્ચિમ એશિયા સંકટની અસર: લેધર અને ફૂટવેર ઉદ્યોગમાં કાચા માલના ભાવ 60% સુધી વધ્યા, નિકાસકારોએ સરકાર પાસે કરી આ મોટી માંગ

West Asia Crisis: પશ્ચિમ એશિયામાં ચાલી રહેલી કટોકટીની સીધી અસર હવે ભારતના વેપાર-ઉદ્યોગ પર પણ જોવા મળી રહી છે. ખાસ કરીને ચામડા (Leather) અને પગરખાં (Footwear) ઉદ્યોગમાં કાચા માલના ભાવમાં 40 થી 60 ટકા જેટલો ધરખમ વધારો થયો છે. આ સ્થિતિમાં ઉદ્યોગ જગતે સરકાર પાસે સિન્થેટિક લેધર, મેટલ એક્સેસરીઝ, મશીનરી અને કેમિકલ્સ જેવા પાયાના કાચા માલ પરની આયાત જકાત (Import Duty) માં છૂટછાટ આપવાની માંગ કરી છે.

FLOAT યોજના લાગુ કરવા અપીલ

ન્યૂઝ એજન્સી પીટીઆઈના રિપોર્ટ અનુસાર, ઉદ્યોગના પ્રતિનિધિઓએ તાજેતરમાં જ વાણિજ્ય અને ઉદ્યોગ મંત્રાલય સમક્ષ પોતાની રજૂઆતો કરી છે. નિકાસકારોએ સરકારને વિનંતી કરી છે કે પ્રસ્તાવિત 'ફ્લોટ' (FLOAT - Footwear and Leather Oriented Transformation) યોજનાને જલ્દીથી અમલમાં મૂકવામાં આવે. આ યોજનામાં તમામ પ્રોડક્ટ્સ, કાચો માલ અને મશીનરીનો સમાવેશ કરવાનું સૂચન કરવામાં આવ્યું છે. આ ઉપરાંત, દેશમાં મેન્યુફેક્ચરિંગને વેગ આપવા માટે ફિનિશ્ડ લેધરની ડ્યુટી-ફ્રી આયાતની પણ માંગ ઉઠી છે.

શા માટે વધી રહી છે કિંમતો?

ઉદ્યોગના નિષ્ણાતોના મતે, પશ્ચિમ એશિયામાં અસ્થિરતાને કારણે સપ્લાય ચેઈન ખોરવાઈ છે. ઈરાન દ્વારા હોર્મુઝ સ્ટ્રેટ (Hormuz Strait) જેવા મહત્વના દરિયાઈ માર્ગો પર અવરોધ પેદા થવાથી તેલ અને ગેસના જહાજોની અવરજવરને અસર થઈ છે.

લેધર સેક્ટરમાં વપરાતી ઘણી પાયાની વસ્તુઓ જેમ કે રબર કેમિકલ્સ, પીયુ લેધર, એડહેસિવ્સ (ગુંદર) અને પ્લાસ્ટિક વગેરે પેટ્રોલિયમ પેદાશોમાંથી બને છે. ઈંધણના ભાવ અને પરિવહન ખર્ચ વધવાને કારણે આ વસ્તુઓ મોંઘી થઈ છે. ભારત આ માટે ચીન, કોરિયા, ઇન્ડોનેશિયા અને જાપાન જેવા દેશો પર પણ નિર્ભર છે.

નિકાસના આંકડામાં ઘટાડો