ભારતમાં 2030 સુધીમાં 8 કરોડ EVનો ટાર્ગેટ, કંપનીઓ કરશે રુપિયા 3.4 લાખ કરોડનું રોકાણ

EV Sector in India: લોકલ અને વિદેશી કંપનીઓએ આગામી છ વર્ષમાં ભારતના ઇલેક્ટ્રિક વાહન (EV) અને સહાયક ઉદ્યોગોમાં રુપિયા 3.4 લાખ કરોડના જંગી રોકાણની જાહેરાત કરી છે. એક રિપોર્ટમાં આ માહિતી આપવામાં આવી છે. રિયલ એસ્ટેટ કન્સલ્ટન્ટ કોલિયર્સ ઈન્ડિયાએ તેના અહેવાલમાં જણાવ્યું હતું કે ઈવી અપનાવવાની ગતિ તેજી થઈ નથી અને 2030 સુધીમાં ઈવીના પ્રવેશને 30 ટકા સુધી વધારવાના ટાર્ગેટને પ્રાપ્ત કરવાની દિશામાં પ્રગતિ ધીમી રહી છે. 'ભારતમાં EVs: ન્યૂ ઇમ્પિટસ ઇન ઇલેક્ટ્રિક મોબિલિટી' શીર્ષક હેઠળનો અહેવાલ જણાવે છે કે ભારતમાં કુલ વ્હીકલમાં EVsનું પ્રમાણ હાલમાં 8 ટકા છે. તેણે વર્ષ 2024માં લગભગ 20 લાખ ઈવીના વેચાણનો અંદાજ પણ મૂક્યો છે.

2030 સુધીમાં 8 કરોડ ઈવીનો ટાર્ગેટ

કોલિયર્સ ઇન્ડિયાએ જણાવ્યું હતું કે ભારતે 2030 સુધીમાં રસ્તાઓ પર 8 કરોડ ઇવી સાથે 30 ટકા ઇલેક્ટ્રિક વ્હીકલની હાજરીનું મહત્વાકાંક્ષી ટાર્ગેટ નક્કી કર્યું છે. પરંતુ વેચાણના જથ્થામાં સતત વૃદ્ધિ અને કેન્દ્રિત સરકારી પ્રયત્નો છતાં, પ્રગતિ અત્યાર સુધી ધીમી રહી છે. રિપોર્ટ અનુસાર, EV સેગમેન્ટમાં વિવિધ કંપનીઓએ 2030 સુધીમાં તબક્કાવાર રીતે $40 બિલિયન (લગભગ રુપિયા 3,40,000 કરોડ)ના સંભવિત રોકાણની જાહેરાત કરી છે. આમાંથી, લિથિયમ-આયન બેટરી પ્રોડક્શનમાં $27 બિલિયન અને મૂળ સાધનો અને EV પ્રોડક્શનમાં $9 બિલિયનનું રોકાણ કરવાની યોજના છે.

થ્રી વ્હીલર્સમાં EV વધુ લોકપ્રિય

કન્સલ્ટિંગ ફર્મે જણાવ્યું હતું કે ઇલેક્ટ્રિક વ્હીકલને અપનાવવાનો દર થ્રી-વ્હીલર્સ (ખાસ કરીને ઈ-રિક્ષા)માં સૌથી વધુ છે કારણ કે તેઓ ઓપરેટિંગ ખર્ચમાં નોંધપાત્ર ઘટાડો કરે છે. રિપોર્ટમાં ટુ-વ્હીલર અને ફોર-વ્હીલર સહિત વ્યક્તિગત વ્હીકલમાં EVs અપનાવવાના દરમાં વધારો કરવા માટે લોકલ પ્રોડક્શન પર વધુ ભાર મૂકવાનું પણ કહેવામાં આવ્યું છે. "ધીમી પ્રગતિ અને 2024 માં 2 મિલિયનના અંદાજિત વાર્ષિક EV વેચાણને જોતાં, અમે 2025-2030 સુધીમાં સરેરાશ વાર્ષિક વેચાણમાં એકંદરે છ ગણો વધારો જોશું," કોલિયર્સે જણાવ્યું હતું.

આ પણ વાંચો- અમેરિકામાં આરોપો બાદ અદાણી ગ્રુપે લીધો મોટો નિર્ણય, આ લોન ડીલમાંથી ખેંચ્યો હાથ