નવી ફ્લાઇટ સેવા: કોલ્હાપુરથી બેંગલુરુ, હૈદરાબાદ અને નાગપુર માટે સ્ટાર એરની નવી ઉડ્ડયન સેવાઓ

રીજનલ એરલાઇન કંપની સ્ટાર એરે જાહેરાત કરી છે કે તે 15 મે 2025થી કોલ્હાપુરથી બેંગલુરુ, હૈદરાબાદ અને નાગપુર માટે નવી ડાયરેક્ટ ફ્લાઇટ સેવાઓ શરૂ કરશે. આ નવી સેવાઓ કોલ્હાપુર સ્થિત ડાયવર્સિફાઇડ સંજય ઘોડાવત ગ્રૂપની આ એરલાઇનના સમર શેડ્યૂલ નેટવર્ક વિસ્તરણ યોજનાનો એક ભાગ છે. આ પગલાંથી એરલાઇનની કોલ્હાપુરથી જોડાતી ડેસ્ટિનેશનની સંખ્યા વધીને સાત થશે, અને સાપ્તાહિક ફ્લાઇટ્સની સંખ્યા 28 સુધી પહોંચશે.

નવી ફ્લાઇટ સેવાઓ અને વિસ્તરણની વિગતો

સ્ટાર એર હાલમાં કોલ્હાપુરથી અમદાવાદ, મુંબઈ અને તિરુપતિ માટે હફ્તામાં 16 ફ્લાઇટ્સ (ડાયરેક્ટ અને કનેક્ટિંગ) ચલાવે છે. નવી સેવાઓની શરૂઆત સાથે, એરલાઇનનું નેટવર્ક વધુ મજબૂત બનશે. 15 મે 2025થી, કોલ્હાપુર-મુંબઈ-કોલ્હાપુર અને કોલ્હાપુર-અમદાવાદ-કોલ્હાપુર રૂટ પર હાલના 50-સીટના એમ્બ્રેર ERJ-145 વિમાનને 76-સીટના ERJ-175 વિમાન સાથે બદલવામાં આવશે, જેમાં ‘બિઝનેસ’ ક્લાસની સુવિધા પણ ઉપલબ્ધ હશે. આ નવું વિમાન વધુ આરામદાયક અને અદ્યતન સુવિધાઓ સાથે મુસાફરોને સેવા આપશે.

આ ઉપરાંત, 3 જૂન 2025થી સ્ટાર એર કોલ્હાપુરથી સાત ડેસ્ટિનેશન—અમદાવાદ, મુંબઈ, તિરુપતિ, બેંગલુરુ, હૈદરાબાદ, નાગપુર અને કિશનગઢ માટે કુલ 32 સાપ્તાહિક ફ્લાઇટ્સ ચલાવશે. આ વિસ્તરણથી રીજનલ કનેક્ટિવિટીમાં નોંધપાત્ર વધારો થશે, જે વ્યવસાયિક મુસાફરો, પ્રવાસીઓ અને વિદ્યાર્થીઓ માટે ફાયદાકારક રહેશે.

સ્ટાર એરના સીઈઓનું નિવેદન

સ્ટાર એરના મુખ્ય કાર્યકારી અધિકારી (સીઈઓ) કેપ્ટન સિમરન સિંહ તિવાનાએ જણાવ્યું, “કોલ્હાપુરથી અમારું આ વિસ્તરણ એ એક વ્યૂહાત્મક પહેલ છે, જેનો ઉદ્દેશ વધુ રીજનલ કેન્દ્રોને જોડવાનો છે. અમારા વધતા જતા વિમાન ફ્લીટ સાથે, સ્ટાર એર ભારતના મધ્ય ભાગમાં કનેક્ટિવિટીની ખોટને પૂરી કરવા માટે સજ્જ છે. અમે આ નવી સેવાઓ દ્વારા મુસાફરોને વધુ અનુકૂળ અને આરામદાયક મુસાફરીનો અનુભવ આપવા માટે પ્રતિબદ્ધ છીએ.”

ભારત-પાકિસ્તાન તણાવની અસર