Income Tax Return: ITR ફાઈલ કરવાની ડેડલાઈન 15 સપ્ટેમ્બર, શું આ વખતે મળશે રાહત?

Income Tax Return: જો તમે હજુ સુધી તમારું ઇન્કમ ટેક્સ રિટર્ન (ITR) ફાઈલ નથી કર્યું, તો હવે સમય બહુ ઓછો બચ્યો છે. નાણાકીય વર્ષ 2024-25 (આકલન વર્ષ 2025-26) માટે ITR ફાઈલ કરવાની અંતિમ તારીખ 15 સપ્ટેમ્બર 2025 છે. આમ તો દર વર્ષે આ ડેડલાઈન 31 જુલાઈ હોય છે, પરંતુ આ વખતે સરકારે પહેલાં જ સપ્ટેમ્બર સુધીનો સમય આપ્યો હતો. હવે જ્યારે આ તારીખ નજીક આવી રહી છે, ત્યારે ટેક્સપેયર્સ અને ચાર્ટર્ડ એકાઉન્ટન્ટ્સ દ્વારા ફરી એકવાર ડેડલાઈન લંબાવવાની માંગ ઉઠી છે.

શા માટે થઈ રહી છે એક્સટેન્શનની માંગ?

એક અહેવાલ મુજબ, ઇન્કમ ટેક્સ પોર્ટલ પર ટેક્નિકલ ગડબડ, લોગઈન ટ્રાફિકમાં વધારો અને રિફંડ સ્ટેટસ અપડેટમાં મુશ્કેલી જેવી સમસ્યાઓનો સામનો ટેક્સપેયર્સને કરવો પડી રહ્યો છે. ટેક્સ એક્સપર્ટ્સનું માનવું છે કે જો આ સમસ્યાઓ ઝડપથી ઉકેલાઈ નહીં અને ડેડલાઈન નહીં વધે, તો ઘણા ટેક્સપેયર્સ ઉતાવળમાં ખોટું ITR ફાઈલ કરી શકે છે. આનાથી ભવિષ્યમાં નોટિસ કે જુર્માનો સામનો કરવો પડી શકે છે. જોકે, સરકારે હજુ સુધી ડેડલાઈન વધારવા અંગે કોઈ સંકેત આપ્યા નથી.

કયું ફોર્મ કોના માટે?

ITR ફાઈલ કરતી વખતે યોગ્ય ફોર્મ પસંદ કરવું ખૂબ જરૂરી છે. ખોટો ફોર્મ પસંદ કરવાથી તમારું રિટર્ન અમાન્ય થઈ શકે છે અને રિફંડમાં વિલંબ થઈ શકે છે. નીચે જુઓ:

* વેતનભોગી કર્મચારીઓ: ITR-1 અથવા ITR-2

* વ્યવસાય માલિકો અને પ્રોફેશનલ્સ: ITR-3 અથવા ITR-4