તુવેર દાળની MSP વધારવા માટે કેબિનેટની મંજૂરી, પ્રતિ ક્વિન્ટલ રૂપિયા 400 વધારવાની પરમિશન

આજે મળેલી મહત્વની કેબિનેટ બેઠકમાં ઘણા મોટા નિર્ણયો લેવામાં આવ્યા છે. કેબિનેટની બેઠક પૂરી થઈ ગઈ છે. કેબિનેટમાં લેવાયેલા નિર્ણયો અંગે પ્રેસ કોન્ફરન્સમાં કેન્દ્રીય મંત્રી પીયૂષ ગોયલ  સત્તાવાર માહિતી આપશે સૂત્રો પાસેથી મળતી માહિતી મુજબ આજની કેબિનેટ બેઠકમાં ખેડૂતોને મોટી રાહત આપવાનો નિર્ણય લેવામાં આવ્યો છે. કેબિનેટે ખરીફ પાકની MSP વધારવાનો નિર્ણય લીધો છે. સૂત્રો પાસેથી પ્રાપ્ત માહિતી અનુસાર, તુવેર દાળની MSP 400 રૂપિયા પ્રતિ ક્વિન્ટલ વધારીને 7000 રૂપિયા પ્રતિ ક્વિન્ટલ કરવામાં આવી છે.

તુવેર દાળ સિવાય કેબિનેટે અડદની દાળના મુદ્દા પર પણ ધ્યાન આપ્યું છે. ખેડૂતોને ભેટ આપતા કેબિનેટે અડદની દાળની MSP વધારવાનો પણ નિર્ણય લીધો છે. કેબિનેટે અડદની દાળના MSPમાં રૂપિયા 350/ક્વિન્ટલનો વધારો કરવાની મંજૂરી આપી છે.

કેબિનેટની બેઠકમાં ડાંગર અને મકાઈના પાક અંગે પણ વિચારણા કરવામાં આવી હતી. ડાંગર પર નિર્ણય લેતા, કેબિનેટે ખેડૂતોના હિતને ધ્યાનમાં રાખીને તેની એમએસપીમાં પણ વધારો કર્યો છે. સૂત્રોના જણાવ્યા અનુસાર ડાંગરના MSPમાં 143 રૂપિયા પ્રતિ ક્વિન્ટલનો વધારો કરવાની મંજૂરી આપવામાં આવી છે.

ખેડૂતોની કમાણી માટે પણ મકાઈ ખૂબ જ મહત્વપૂર્ણ માનવામાં આવે છે. તેથી, મકાઈના મુદ્દા પર, કેબિનેટે, ખેડૂતોને નિરાશ ન કરતા, તેની MSP પણ વધારી દીધી છે. સૂત્રો જણાવે છે કે કેબિનેટે મકાઈ પર MSP 128 રૂપિયા પ્રતિ ક્વિન્ટલ વધારવાની મંજૂરી આપી છે.