કમોડિટી લાઇવ: ક્રૂડમાં તેજી યથાવત્ બ્રેન્ટ $114ની પાસે, સોના-ચાંદીમાં રેન્જબાઉન્ડ કારોબાર

સોનાને પગલે ચાંદીમાં પણ વેચવાલી રહી, અહીં સ્થાનિક બજારમાં અડધા ટકાથી વધુના ઘટાડા સાથે 1 લાખ 93 હજારની પાસે કિંમતો પહોંચી, જ્યારે વૈશ્વિક બજારમાં દોઢ ટકાથી વધુનો ઘટાડો અને ભાવ 54 ડૉલરની પણ નીચે આવતા દેખાયા હતા.

શરૂઆતી કારોબારમાં સ્થાનિક બજારમાં બેઝ મેટલ્સ તરફથી મિશ્ર સંકેતો મળ્યા, જોકે ફ્યૂચર્સમાં ઝિંકના ભાવ વધીને 4 સપ્તાહના ઉપલા સ્તરે સ્થિર રહ્યા, અહીં ટૂંકાગાળે ઓછી સપ્લાઈ અને ઈલેક્ટ્રિસિટી કોસ્ટ વધતા સાથે LME પર ઓછી ઈન્વેન્ટરીના કારણે ઝિંકને સપોર્ટ મળી રહ્યો છે.

ક્રૂડ ઓઈલમાં ઉપલા સ્તરેથી વેચવાલી જોવા મળી, છતા બ્રેન્ટમાં 114 ડૉલરના સ્તર જળવાયા છે, ઓક્ટોબરમાં હાલ સુધી ક્રૂડ ઓઈલના બાવ આશરે 17 ટકા જેટલા વધતા જોવા મળ્યા છે. અહીં સાઉદીની નિકાસ ઉપલા સ્તરે પહોંચી હોવાથી અને US ક્રૂડની ઈન્વેન્ટરીમાં દબાણથી કિંમતો પર અસર દેખાઈ રહી છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો અડધા ટકાથી વધુ તૂટીને 290ના સ્તરની પાસે પહોંચતી જોવા મળી હતી, જોકે યુરોપમાં નેચરલ ગેસની કિંમતો ડિસેમ્બર 2022 બાદથી ઉપલા સ્તરે પહોંચતી દેખાઈ હતી.

મુખવાસ બજારનો ટ્રેન્ડ

ગિફ્ટિંગ અને મહેમાનો માટે માંગ ઘણી હોય છે. ડ્રાયફ્રૂટ્સ અને મીઠાઈઓ સાથે પ્રીમિયમ પેક્ડ વરિયાળીની માંગ છે. ઊંઝા મંડીમાં વરિયાળીનો સરેરાશ હોલસેલ ભાવ 13,625-13,750 પ્રતિ ક્વિન્ટલ છે. સપ્ટેમ્બર મહિનાની સરખામણીએ ઓક્ટોબરના અંત સુધીમાં માંગમાં સારો સુધારો થયો.