કોમોડિટી લાઇવ: ક્રૂડમાં તેજી, બ્રેન્ટ $66ને પાર, સોનામાં નરમાશ, ચાંદીની ચમક યથાવત્

શરૂઆતી કારોબારમાં ડૉલર સામે રૂપિયો 1 પૈસા નબળો થઈ 85.63 પ્રતિ ડૉલરની સામે 85.64 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

શુક્રવારે સોનાની કિંમતોમાં ઉપલા સ્તરેથી વેચવાલી આવતા COMEX પર ભાવ 3300 ડૉલરના સ્તર સુધી પહોંચ્યા, તો સ્થાનિક બજારમાં શરૂઆતી કારોબારમાં આશરે અડધા ટકાથી વધુના દબાણ સાથે 96,450ના સ્તરની પાસે કિંમતો પહોંચતી દેખાઈ હતી.વાસ્તવમાં USના જોબ ડેટા અનુમાન કરતા વધુ મજબૂત આવતા અને રેટ કટની સંભાવનાઓ ઘટવાથી સોનાની કિંમતો પર દબાણ જોવા મળ્યું.

ચાંદીની ચમક યથાવત્ રહેતા વૈશ્વિક બજારમાં ભાવ 36 ડૉલરની પાસે સ્થિર રહ્યા, અહીં ફેબ્રુઆરી 2012 બાદથી કિંમતો તેના સૌથી ઉપલા સ્તરની પાસે પહોંચતી દેખાઈ, જ્યારે સ્થાનિક બજારમાં 1 લાખના સ્તર જળવાતા દેખાયા છે... મજબૂત ઇન્વેસ્ટર ઇન્ટરેસ્ટ અને રોબસ્ટ ઇન્ડસ્ટ્રીયલ ડિમાન્ડના કારણે ચાંદીને સપોર્ટ મળી રહ્યો છે.

શરૂઆતી કારોબારમાં સ્થાનિક બજારમાં બેઝ મેટલ્સ તરફથી મિશ્ર સંકેતો મળ્યા, જ્યાં માત્ર લેડમાં નરમાશ હતી, પણ એલ્યુમિનિયમ અને કોપરમાં મજબૂતી સાથેનો કારોબાર જોવા મળ્યો હતો. ચાઈનાના મજબૂત આર્થિક આંકડાઓના કારણે અહીં મેટલ્સને સપોર્ટ મળતો દેખાયો છે.