કોમોડિટી લાઇવ: સોના-ચાંદીમાં રેન્જબાઉન્ડ કારોબાર, ક્રૂડ ઓઈલમાં નીચલા સ્તરેથી સુધારો

શરૂઆતી કારોબારમાં ડૉલર સામે રૂપિયો 5 પૈસા મજબૂત થઈ 86.52 પ્રતિ ડૉલરની સામે 86.47 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે.

US અને EU વચ્ચે ટ્રેડ ડીલ થતા સોનાની કિંમતો ઉપલા સ્તરેથી તૂટી, જોકે ડૉલર ઇન્ડેક્સમાં આવેલી વેચવાલીના કારણે નીચલા સ્તરેથી સપોર્ટ પણ મળી રહ્યો છે. જ્યાં COMEX પર ભાવ 3338 ડૉલરની પાસે રહ્યા, પણ સ્થાનિક બજારમાં નાની રેન્જ જોવા મળી.

ચાંદીમાં પણ 38 ડૉલરના સ્તર જળવાતા દેખાયા, તો સ્થાનિક બજારમાં ભાવ 1,13,080ના સ્તરની પાસે પહોંચતા દેખાયા હતા.

બેઝ મેટલ્સ તરફથી નબળા સંકેતો મળ્યા, જ્યાં શરૂઆતી કારોબારમાં સ્થાનિક બજારમાં કોપર સહિત તમામ મેટલ્સ ઘટ્યા, પણ વૈશ્વિક બજારમાં કોપર ફ્યૂચર્સમાં રેકોર્ડ સ્તરની પાસે કારોબાર જોવા મળ્યો, આ સપ્તાહે અમેરિકા અને ચાઈના વચ્ચે ટ્રેડ ડીલ પર ચર્ચા થઈ શકે છે...જે પહેલા મેટલ્સની કિંમતોમાં ઉતાર-ચઢાવ જોવા મળ્યા.