Pharmaceutical IPO: રોકાણનો નવો મોકો! આવી રહ્યો છે Cotec Healthcareનો IPO, જાણો વિગતો

Cotec Healthcare IPO: ભારતની અગ્રણી ફાર્માસ્યુટિકલ કંપની Cotec Healthcare લિમિટેડ ટૂંક સમયમાં પોતાનો ઇનિશિયલ પબ્લિક ઓફરિંગ (IPO) લાવવા જઈ રહી છે. કંપનીએ આ માટે સેબી (SEBI) પાસે ડ્રાફ્ટ રેડ હેરિંગ પ્રોસ્પેક્ટસ (DRHP) દાખલ કર્યું છે. આ IPO દ્વારા કંપની 295 કરોડનું ફંડ એકત્ર કરવાનું લક્ષ્ય રાખે છે. આ IPOમાં બે ભાગ સામેલ છે: 226.25 કરોડના નવા ઇક્વિટી શેરનું ફ્રેશ ઇશ્યૂ અને પ્રમોટર હર્ષ તિવારી તથા વંદના તિવારી દ્વારા 60 લાખ શેરનું ઓફર ફોર સેલ (OFS), જેમાં દરેક પ્રમોટર 30 લાખ શેર વેચશે.

ફંડનો ઉપયોગ કેવી રીતે થશે?

IPOમાંથી મળેલા 226.25 કરોડનો ઉપયોગ કંપની નવી ઉત્પાદન પ્રોજેક્ટ શરૂ કરવા, હાલની ઉત્પાદન ક્ષમતા વધારવા અને નવા પ્રોડક્ટ્સનું નિર્માણ શરૂ કરવા માટે કરશે. આ ઉપરાંત, કેટલીક રકમનો ઉપયોગ જનરલ કોર્પોરેટ ખર્ચ માટે પણ થશે. આ IPO માટે પેન્ટોમેથ કેપિટલ એડવાઈઝર્સને લીડ મેનેજર તરીકે નિયુક્ત કરવામાં આવ્યા છે.

Cotec Healthcare વિશે

Cotec Healthcare ભારતના ફાર્માસ્યુટિકલ ઉદ્યોગમાં એક મહત્વનું કોન્ટ્રાક્ટ ડેવલપમેન્ટ એન્ડ મેન્યુફેક્ચરિંગ ઓર્ગેનાઈઝેશન (CDMO) છે. કંપની ફોર્મ્યુલેશન ડેવલપમેન્ટ, લોન લાયસન્સિંગ, ઓફ-પેટન્ટ પ્રોડક્ટ્સનું કમર્શિયલ મેન્યુફેક્ચરિંગ અને સટેન્ડ તથા મોડિફાઈડ રિલીઝ ફોર્મ્સ જેવી જટિલ ડિલિવરી ફોર્મ્સનું ઉત્પાદન કરે છે. તેના ગ્રાહકોમાં સંસ્થાકીય અને ખાનગી ક્ષેત્રની કંપનીઓ સામેલ છે.

Cotec Healthcareના IPOની ચોક્કસ તારીખ હજુ જાહેર કરવામાં આવી નથી. કંપનીએ 10 સપ્ટેમ્બર, 2025ના રોજ સેબી (SEBI) પાસે ડ્રાફ્ટ રેડ હેરિંગ પ્રોસ્પેક્ટસ (DRHP) દાખલ કર્યું છે, પરંતુ IPOની તારીખ, ઇશ્યૂ પ્રાઇસ બેન્ડ અને લોટ સાઇઝ જેવી મુખ્ય વિગતો હજુ જાહેર થવાની બાકી છે.

ભારતીય ફાર્મા બજારની તકો