Russian oil to India: અમેરિકાના નવા પ્રતિબંધોથી ભારતની ઓઇલ સપ્લાય પર સંકટ? શું મોંઘા થશે પેટ્રોલ-ડીઝલના ભાવ?

Russian oil to India: ભારત માટે સસ્તા તેલની સપ્લાય પર હવે મોટો ખતરો મંડરાઈ રહ્યો છે. અત્યાર સુધી રશિયા તરફથી મળતું ડિસ્કાઉન્ટેડ ક્રૂડ ઓઇલ ભારતીય ગ્રાહકોને રાહત આપી રહ્યું હતું, પરંતુ અમેરિકાના તાજેતરના નવા પ્રતિબંધોએ આ "લાઇફલાઇન" ને હચમચાવી દીધી છે. નિષ્ણાતો માની રહ્યા છે કે આગામી અઠવાડિયામાં ભારતની રશિયન તેલ આયાત પર મોટી અસર જોવા મળી શકે છે.

ભારતની સસ્તી તેલ સપ્લાય પર મોટો ખતરો ઉભો થયો છે, કારણ કે અમેરિકાએ રશિયાની બે સૌથી મોટી તેલ કંપનીઓ Rosneft અને Lukoil પર કડક પ્રતિબંધો લાગુ કર્યા છે. આ પ્રતિબંધોને કારણે ભારતને મળતી રશિયન તેલની સપ્લાય મોટા પાયે પ્રભાવિત થઈ શકે છે. છેલ્લા 2 વર્ષથી રશિયા ભારતનો સૌથી મોટો તેલ સપ્લાયર રહ્યું છે, જેના કારણે પેટ્રોલ-ડીઝલના ભાવ સ્થિર રાખવામાં ઘણી મદદ મળી હતી. પરંતુ હવે સવાલ એ છે કે શું નવા અમેરિકી પ્રતિબંધો લાગુ થયા બાદ પેટ્રોલ-ડીઝલના ભાવમાં વધારો થશે? અને શું રશિયન તેલની સપ્લાય સંપૂર્ણપણે બંધ થઈ જશે?

રશિયન તેલ પર ‘સેન્ક્શન શોક’

વિશેષજ્ઞોના મતે, ભારત દ્વારા રશિયન ક્રૂડ ઓઇલની ખરીદીમાં આગામી કેટલાક અઠવાડિયામાં તીવ્ર ઘટાડો નોંધાઈ શકે છે. જોકે આયાત સંપૂર્ણપણે બંધ નહીં થાય, પરંતુ નવા પ્રતિબંધોને કારણે સપ્લાયમાં આશ્ચર્યજનક રીતે ઝડપી ઘટાડો થશે. નવેમ્બર મહિનામાં ભારત રશિયા પાસેથી લગભગ 1.8થી 1.9 મિલિયન બેરલ પ્રતિ દિન તેલ ખરીદી રહ્યું હતું, પરંતુ ડિસેમ્બર-જાન્યુઆરીમાં આ આંકડો ઘટીને માત્ર 4 લાખ બેરલ પ્રતિ દિન સુધી પહોંચી શકે છે, જે 70%થી વધુનો જંગી ઘટાડો દર્શાવે છે.

કઈ કંપનીઓએ રશિયન તેલ ખરીદવાનું બંધ કર્યું?

અમેરિકી પ્રતિબંધો લાગુ પડતાની સાથે જ ભારતની મોટી રિફાઇનિંગ કંપનીઓ જેવી કે રિલાયન્સ ઇન્ડસ્ટ્રીઝ, HPCL-Mittal Energy અને મેંગલોર રિફાઇનરી એન્ડ પેટ્રોકેમિકલ્સ (MRPL)એ હાલ પૂરતી રશિયન તેલની ખરીદી અટકાવી દીધી છે. માત્ર Rosneft દ્વારા સમર્થિત Nayara Energy જ રશિયા પાસેથી આયાત ચાલુ રાખશે, કારણ કે તે પહેલાથી જ તે તેલ પર નિર્ભર છે.

રશિયન તેલ સંપૂર્ણપણે શા માટે નહીં અટકે?