Hindustan Copper Q1 Results: સરકારી માઇનિંગ કંપનીનો નફો સીધો 163% ઉછળ્યો, આવકમાં પણ 81%નો જંગી વધારો

Hindustan Copper Q1 Results: શેરબજારમાં સરકારી કંપનીઓનું શાનદાર પ્રદર્શન ચાલુ છે. સરકારી માઇનિંગ કંપની હિન્દુસ્તાન કોપરે તાજેતરમાં તેના જૂન ક્વાર્ટરના પરિણામો જાહેર કર્યા છે, જેણે રોકાણકારોને ખુશ કરી દીધા છે. કંપનીના નફામાં 163% નો તોતિંગ ઉછાળો જોવા મળ્યો છે, જ્યારે આવકમાં પણ 81%નો જંગી વધારો નોંધાયો છે.

આર્થિક પરિણામોની મુખ્ય હાઇલાઇટ્સ

કંપનીના નાણાકીય આંકડાઓ પર એક નજર કરીએ,,,કંપનીનો ચોખ્ખો નફો વાર્ષિક ધોરણે 163.4% વધીને 353 કરોડ રૂપિયા નોંધાયો છે. ગયા વર્ષે આ જ સમાન ક્વાર્ટરમાં કંપનીનો નફો માત્ર 134 કરોડ રૂપિયા હતો. કંપનીની આવક 81.4% ના ઉછાળા સાથે 936.5 કરોડ રૂપિયા પર પહોંચી ગઈ છે. જે અગાઉ 516.4 કરોડ રૂપિયા હતી. ઓપરેટિંગ સ્તરે પણ કંપનીએ કમાલ કરી છે. EBITDA 212.3 કરોડ રૂપિયાથી વધીને 507.5 કરોડ રૂપિયા થઈ ગયો છે (એટલે કે બમણાથી પણ વધુ). કંપનીનું માર્જિન 41% થી વધીને સીધું 54% પર પહોંચી ગયું છે, જે દર્શાવે છે કે કંપનીની ઓપરેટિંગ એફિશિયન્સીમાં જબરદસ્ત સુધારો થયો છે.

વૈશ્વિક બજારમાં તાંબાના ભાવ વધવાનો ફાયદો

હિન્દુસ્તાન કોપરના આ શાનદાર પ્રદર્શન પાછળ વૈશ્વિક પરિબળોએ પણ મોટો ભાગ ભજવ્યો છે. વૈશ્વિક બજારમાં કોપરના ભાવ છેલ્લા 6 અઠવાડિયાથી સતત વધી રહ્યા છે. બજારમાં સપ્લાયની અછત અને અમેરિકામાં વ્યાજ દરો અંગેની ચિંતા હળવી થતાં કોપરના ભાવને મોટો ટેકો મળ્યો છે.

ગયા અઠવાડિયે જ આંતરરાષ્ટ્રીય બજારમાં કોપરની કિંમત 14,000 ડોલર પ્રતિ ટનને પાર કરી ગઈ હતી. માર્કેટ એક્સપર્ટ્સનું માનવું છે કે આગામી સમયમાં પણ તાંબાના ભાવ મજબૂત રહેશે, જે હિન્દુસ્તાન કોપરના બિઝનેસ માટે ખૂબ જ પોઝિટિવ સંકેત છે.

શેરબજારમાં કેવી રહી પ્રતિક્રિયા?