PM મોદીની અપીલની અસર: મારુતિ સુઝુકીએ કર્મચારીઓ માટે લાગુ કર્યું ‘વર્ક ફ્રોમ હોમ', જાણો નવા નિયમો

Maruti Suzuki work from home: દેશની સૌથી મોટી કાર નિર્માતા કંપની મારુતિ સુઝુકી ઇન્ડિયા (Maruti Suzuki India) એ પોતાના કર્મચારીઓ માટે એક મોટો અને મહત્વનો નિર્ણય લીધો છે. કંપનીએ ફરી એકવાર પોતાના કર્મચારીઓ માટે ‘વર્ક ફ્રોમ હોમ' (WFH) લાગુ કરવાની જાહેરાત કરી છે. PM નરેન્દ્ર મોદીએ તાજેતરમાં કોવિડ સમય જેવી બચતની આદતો અપનાવવાની જે અપીલ કરી હતી, તેને ધ્યાનમાં રાખીને મારુતિએ આ પગલું ભર્યું છે.

મારુતિ સુઝુકીએ સોશિયલ મીડિયા પ્લેટફોર્મ X પર સત્તાવાર માહિતી આપતા જણાવ્યું હતું કે, તેઓ PM મોદીની સાદગી અપનાવવાની અપીલ અને પશ્ચિમ એશિયામાં ચાલી રહેલા સંકટની લાંબા ગાળાની અસરોને ખૂબ ગંભીરતાથી લઈ રહ્યા છે. કંપનીએ સ્પષ્ટ કર્યું છે કે, જે કામ ઘરેથી આસાનીથી થઈ શકે છે અને જેનાથી કંપનીના કામકાજ પર કોઈ નકારાત્મક અસર પડતી નથી, ત્યાં કર્મચારીઓને ઘરેથી કામ કરવાની મંજૂરી આપવામાં આવી છે.

ઇંધણ અને વિદેશી હૂંડિયામણ બચાવવા પર ખાસ ભાર

મારુતિ સુઝુકીનું માનવું છે કે સામાન્ય સ્થિતિ હોય કે સંકટનો સમય, કોઈપણ બિઝનેસ એકદમ અસરકારક રીતે ચાલવો જોઈએ. આ માટે પેટ્રોલિયમ પેદાશોનો વપરાશ અને વિદેશી હૂંડિયામણનો ખર્ચ બને તેટલો ઓછો કરવો જરૂરી છે. કંપનીએ કહ્યું કે આજના સંજોગો આપણને કામ કરવાની રીત સુધારવાની તક આપે છે, જેનાથી કંપનીના બિઝનેસની સાથે સાથે દેશને પણ ફાયદો થશે.

કર્મચારીઓ અને બિઝનેસ પાર્ટનર્સ માટે નવા નિયમો:

કંપનીના મેનેજમેન્ટે પોતાના કર્મચારીઓ અને પાર્ટનર્સ માટે કેટલીક મહત્વની ગાઈડલાઈન્સ બહાર પાડી છે, જે નીચે મુજબ છે:

વિદેશ યાત્રા પર કાપ: હવેથી માત્ર ખૂબ જ જરૂરી બિઝનેસ મીટિંગ હોય તેવા સંજોગોમાં જ વિદેશ યાત્રા કરવામાં આવશે. સ્થાનિક મુસાફરી પણ બને તેટલી ઓછી રખાશે.