ISROની અવકાશમાં નવી ઉડાન, ત્રણ સેટેલાઇટ સાથે શ્રીહરિકોટાથી SSLV-D2 રોકેટનું સફળ લોન્ચ

ભારતીય અવકાશ સંશોધન સંસ્થા (ISRO)ના લઘુ ઉપગ્રહ પ્રક્ષેપણ યાન SSLV-D2 ને શુક્રવારે શ્રીહરિકોટાથી લોન્ચ કરવામાં આવ્યું. આ સાથે, તેણે સફળતાપૂર્વક EOS-07 સેટેલાઇટની સાથે અન્ય બે સેટેલાઇટને તેમની ભ્રમણકક્ષામાં સ્થાન આપ્યું. સતીશ ધવન સ્પેસ સેન્ટરના પ્રથમ પ્રક્ષેપણ પેડ પરથી રોકેટે સવારે 9:18 વાગ્યે ત્રણ મિની, માઇક્રો અને નેનો સેટેલાઇટ વહન કર્યા હતા અને તેમની 15 મિનિટની ઉડાન દરમિયાન તેમને 450-કિમીની ગોળાકાર ભ્રમણકક્ષામાં સ્થાપિત કર્યા હતા.

તેની બીજી વિકાસ ઉડાનમાં, SSLV-D2એ પૃથ્વી અવલોકન સેટેલાઇટ EOS-07 અને અન્ય બે સેટેલાઇટ - યુએસના એન્ટારિસ દ્વારા Janus-1 અને ચેન્નાઈ સ્થિત સ્પેસ કિડ્ઝ ઈન્ડિયા દ્વારા AzaadiSAT-2 વહન કર્યું. આ વર્ષનું ISROનું આ પહેલું મિશન છે.

ઈસરોએ કહ્યું કે LV-D2 એ ત્રણેય સેટેલાઇટને તેમની ભ્રમણકક્ષામાં મૂક્યા છે. 34 મીટર ઊંચા રોકેટને સાડા છ કલાકના કાઉન્ટડાઉન બાદ અહીંના સતીશ ધવન સ્પેસ સેન્ટરથી લોન્ચ કરવામાં આવ્યું હતું. ISROને આ પ્રક્ષેપણથી નાની સેટેલાઇટ લોન્ચ વ્હીકલ માર્કેટમાં સફળતા મેળવવાની ઘણી આશા છે.

ઈસરો અને નાસાએ 2014માં 2,800 કિલો વજનનો સેટેલાઇટ બનાવવા માટે હાથ મિલાવ્યા હતા. માર્ચ 2021 માં, ISRO એ JPL દ્વારા ઉત્પાદિત L-band પેલોડ સાથે સંકલન માટે ભારતમાં વિકસિત તેના S-band SAR પેલોડને નાસાને મોકલ્યો.

રોકેટની મુખ્ય ખાસિયતો
- પૃથ્વીની નીચલી ભ્રમણકક્ષામાં 500 કિલો સુધીનું લોંચ કરી શકે છે. આ રોકેટની કિંમત ઓછી છે.
- SSLV D-2 ની લંબાઈ 34 મીટર છે. જ્યારે 2 મીટર વ્યાસ અને 120 ટન વજન ધરાવતું લોન્ચ વ્હીકલ છે.
- રોકેટમાં 3 ઘન પ્રોપલ્શન સ્ટેજ, વેલોસીટી ટર્મિનલ મોડ્યુલ પણ છે.
- ગયા વર્ષે 9 ઓગસ્ટના રોજ થયેલી SSLVની પ્રથમ ટેસ્ટ ફ્લાઈટ આંશિક નિષ્ફળ ગઈ હતી.

આ પણ વાંચો - તુર્કી-સીરિયામાં ભૂકંપથી મૃતકોની સંખ્યા વધીને 21,000 થઈ, કાટમાળમાં હજુ પણ લોકો ફસાયેલા