Standard Glass Lining IPO: 2 દિવસમાં 35 વખત સબ્સ્ક્રિપ્શન, આજે રોકાણ કરવાની છેલ્લી તક, ગ્રે માર્કેટ બુલિશ

Standard Glass Lining IPO: સ્ટાન્ડર્ડ ગ્લાસ લાઇનિંગ IPO પર દાવ લગાવવાનો આજે છેલ્લો દિવસ છે. કંપનીનો IPO પ્રથમ બે દિવસમાં 35 થી વધુ વખત સબસ્ક્રાઇબ થયો છે. રિટેલ કેટેગરી માટે સ્ટાન્ડર્ડ ગ્લાસ લાઇનિંગ સૌથી વધુ સબસ્ક્રાઇબ થયેલ છે. બંને દિવસોમાં રિટેલ કેટેગરીમાં 33.97 ગણું સબ્સ્ક્રિપ્શન મળ્યું હતું. તે જ સમયે, QIBમાં 4.63 વખત અને NIIમાં 80.38 વખત સબસ્ક્રિપ્શન પ્રાપ્ત થયું છે. તમને જણાવી દઈએ કે, આ IPO 6 જાન્યુઆરીએ ખોલવામાં આવ્યો હતો.

કંપનીના IPOની સાઇઝ રુપિયા 410.05 કરોડ છે. IPOમાં નવા ઈશ્યુ અને ઓફર ફોર સેલ દ્વારા શેર ઈશ્યુ કરવામાં આવશે. કંપની ફ્રેશ ઈશ્યુ દ્વારા 1.50 કરોડ શેર અને ઓફર ફોર સેલ હેઠળ 1.43 કરોડ શેર ઈશ્યુ કરશે. તમને જણાવી દઈએ કે, કંપનીએ એન્કર ઈન્વેસ્ટર્સ પાસેથી 123 કરોડ રૂપિયા એકત્ર કર્યા છે. આ IPO 3 જાન્યુઆરીએ એન્કર રોકાણકારો માટે ખોલવામાં આવ્યો હતો.

133થી 140 રૂપિયાની પ્રાઇસ બેન્ડ

સ્ટાન્ડર્ડ ગ્લાસ લાઇનિંગ IPOની પ્રાઇસ બેન્ડ પ્રતિ શેર રુપિયા 133થી રુપિયા 140 પ્રતિ શેર નક્કી કરવામાં આવી છે. કંપનીએ 107 શેરનો એક લોટ બનાવ્યો છે. જેના કારણે રોકાણકારોએ ઓછામાં ઓછા 14,980 રૂપિયાની બીડ લગાવવી પડશે. તમને જણાવી દઈએ કે, આ IPOનું લિસ્ટિંગ 13 જાન્યુઆરીએ BSE અને NSEમાં પ્રસ્તાવિત છે.

ગ્રે માર્કેટમાં પોઝિશન મજબૂત

ઈન્વેસ્ટર્સ ગેઈનના રિપોર્ટ અનુસાર ગ્રે માર્કેટમાં કંપનીની સ્થિતિ શાનદાર દેખાઈ રહી છે. IPO આજે રુપિયા 96ના પ્રીમિયમ પર ટ્રેડ થઈ રહ્યો છે. ગઈકાલની સરખામણીમાં આજે કંપનીના જીએમપીમાં કોઈ ફેરફાર થયો નથી. તમને જણાવી દઈએ કે, સૌથી વધુ જીએમપી 4 જાન્યુઆરીએ હતી. ત્યારે IPO રુપિયા 97ના પ્રીમિયમ પર ટ્રેડ થઈ રહ્યો હતો.

આ પણ વાંચો - રૂમમાં ખાડો ખોદ્યો, પછી સુરંગ બનાવી અને IOCLની ગુજરાત-પાનીપત પાઈપલાઈનમાંથી ક્રૂડ ઓઈલની કરી ચોરી, આ રીતે ખુલ્યું રહસ્ય