Goldline Pharma IPO: જો તમે શેરબજારમાં આઈપીઓ (IPO) દ્વારા પૈસા રોકવાનું વિચારી રહ્યા છો, તો તમારા માટે કમાણી કરવાની એક શાનદાર તક આવી રહી છે. ફાર્મા સેક્ટરની જાણીતી કંપની ‘ગોલ્ડલાઈન ફાર્માસ્યુટિકલ' (Goldline Pharmaceutical) નો આઈપીઓ આગામી સપ્તાહે 12 મેના રોજ સબસ્ક્રિપ્શન માટે ખુલવા જઈ રહ્યો છે. કંપની આ આઈપીઓ દ્વારા બજારમાંથી 11.61 કરોડ એકત્ર કરવાની તૈયારીમાં છે. જો તમે પણ આ કંપનીમાં તમારા પૈસા લગાવવાનું મન બનાવી રહ્યા છો, તો અરજી કરતા પહેલા તેની તમામ નાની-મોટી વિગતો જાણી લેવી ખૂબ જ જરૂરી છે.
Goldline Pharma IPO: પૈસા તૈયાર રાખો! 12 મેથી ખુલી રહ્યો છે ગોલ્ડલાઈન ફાર્માનો IPO, જાણો રોકાણ માટેની તમામ વિગતો
Goldline Pharma IPO: શેરબજારમાં રોકાણની શાનદાર તક! 12 મેથી ગોલ્ડલાઈન ફાર્માસ્યુટિકલનો IPO ખુલી રહ્યો છે. કંપનીની પ્રાઇસ બેન્ડ, લોટ સાઇઝ અને ફાઇનાન્શિયલ વિગતો ગુજરાતીમાં જાણો.
MoneyControl Newsઅપડેટેડ May 08, 2026 પર 5:36 PM
IPO ની મુખ્ય વિગતો:
* પ્રાઈસ બેન્ડ: 41 થી 43 પ્રતિ શેર નક્કી કરવામાં આવી છે.
* ઈશ્યુ સાઈઝ: 11.61 કરોડ (આ સંપૂર્ણપણે ફ્રેશ ઈશ્યુ છે).
* લોટ સાઈઝ: રિટેલ રોકાણકારોએ અરજી કરવા માટે ઓછામાં ઓછા 6,000 શેર (2 લોટ) ની ખરીદી કરવી પડશે.
* ન્યૂનતમ રોકાણ: અપર પ્રાઈસ બેન્ડ 43 ના હિસાબે તમારે ઓછામાં ઓછા 2,58,000 નું રોકાણ કરવું પડશે.
શું કામ કરે છે કંપની?
નાગપુર સ્થિત આ કંપની ‘એસેટ-લાઈટ' (Asset-light) મોડલ પર કામ કરે છે. તેનો સીધો અર્થ એ છે કે કંપની પોતે દવાઓનું ઉત્પાદન (Manufacturing) નથી કરતી, પરંતુ થર્ડ-પાર્ટી મેન્યુફેક્ચરર્સ પાસે કોન્ટ્રાક્ટ પર દવાઓ બનાવડાવે છે. ત્યારબાદ તેને પોતાના 'Goldline' બ્રાન્ડના નામ હેઠળ બજારમાં વેચે છે.
કંપનીના પોર્ટફોલિયોમાં 140 થી વધુ ફાર્મા અને વેલનેસ પ્રોડક્ટ્સ સામેલ છે. આ દવાઓ મુખ્યત્વે કાર્ડિયોલોજી, ડાયાબિટોલોજી, ઓર્થોપેડિક્સ અને ગાયનેકોલોજી જેવી બીમારીઓની સારવારમાં ઉપયોગમાં લેવાય છે. કંપની પાસે 8 ડિસ્ટ્રીબ્યુટર્સનું મજબૂત નેટવર્ક છે, જેઓ ખાસ કરીને મહારાષ્ટ્ર અને મધ્યપ્રદેશના બજારો પર વધુ ફોકસ કરે છે.
Goldline Pharma IPO ની મહત્વની તારીખો:
* IPO ખુલવાની તારીખ: 12 મે
* IPO બંધ થવાની તારીખ: 14 મે
* એલોટમેન્ટ ફાઈનલ: 15 મે
* રિફંડ અને ડીમેટમાં શેર ક્રેડિટ: 18 મે
* લિસ્ટિંગની તારીખ: 19 મે (આ શેર BSE SME પ્લેટફોર્મ પર લિસ્ટ થશે)
કેવું છે કંપનીનું આર્થિક પ્રદર્શન?
છેલ્લા કેટલાક વર્ષોમાં ગોલ્ડલાઈન ફાર્માસ્યુટિકલના નફામાં ખૂબ સારો ઉછાળો જોવા મળ્યો છે.
* નાણાકીય વર્ષ 2024માં કંપનીની કુલ આવક (રેવેન્યુ) 23.57 કરોડ અને ચોખ્ખો નફો 1.80 લાખ રહ્યો હતો.
* ત્યારબાદ, નાણાકીય વર્ષ 2025માં કંપનીએ શાનદાર દેખાવ કરતા 28.06 કરોડની આવક અને 2.83 કરોડનો ચોખ્ખો નફો નોંધાવ્યો હતો.
* વધુમાં, નાણાકીય વર્ષ 2026 માં (ડિસેમ્બર 2025 સુધીના ડેટા મુજબ) કંપનીનો ચોખ્ખો નફો 2.22 કરોડ રહ્યો છે, જે તેની મજબૂત ગ્રોથ દર્શાવે છે.
કંપનીનું સતત વધતું આર્થિક પ્રદર્શન અને ફાર્મા સેક્ટરમાં તેની સારી પકડ રોકાણકારો માટે આકર્ષણનું કેન્દ્ર બની શકે છે. લાંબા ગાળે આ IPO સારો નફો આપી શકે તેવી સંભાવનાઓ છે. જોકે, શેરબજારમાં કોઈપણ રોકાણ કરતા પહેલા તમારા નાણાકીય સલાહકાર (Financial Advisor) ની સલાહ લેવી હિતાવહ છે.
ડિસ્ક્લેમર: અહીં આપેલી માહિતી બ્રોકરેજ ફર્મના રિપોર્ટ પર આધારિત છે. શેરબજારમાં રોકાણ જોખમોને આધીન હોય છે. કોઈપણ રોકાણનો નિર્ણય લેતા પહેલા, કૃપા કરીને સર્ટિફાઇડ નિષ્ણાત અથવા તમારા નાણાકીય સલાહકારની મદદ લો. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.