Lenskart IPO: ભારતની અગ્રણી આઇવેર કંપની લેન્સકાર્ટનો લાંબા સમયથી રાહ જોવાતો IPO આખરે 31 ઓક્ટોબર, 2025ના રોજ ખુલવા જઈ રહ્યો છે. આ 7,278 કરોડનો મેગા ઇશ્યુ 4 નવેમ્બર સુધી બોલી માટે ખુલ્લો રહેશે, જ્યારે એન્કર રોકાણકારો 30 ઓક્ટોબરથી જ બોલી લગાવી શકશે. શેરની કિંમત 382થી 402ની વચ્ચે નક્કી કરવામાં આવી છે, જેના આધારે કંપની લગભગ 69,500 કરોડની વેલ્યુએશન હાંસલ કરવા માગે છે.
લેન્સકાર્ટ IPO: 31 ઓક્ટોબરથી ખુલશે 7,278 કરોડનો મેગા ઇશ્યુ, સોફ્ટબેન્ક-ટેમાસેક વેચશે હિસ્સો, જાણો સંપૂર્ણ વિગતો!
Lenskart IPO: લેન્સકાર્ટ IPO 31 ઓક્ટોબરથી ખુલશે, પ્રાઇસ બેન્ડ 382-402, કંપની 2,150 કરોડ ફ્રેશ ઇશ્યુ કરશે. સોફ્ટબેન્ક-ટેમાસેક OFS દ્વારા હિસ્સો વેચશે. FY25માં 297 કરોડ નફો, 6,625 કરોડ રેવેન્યુ – સંપૂર્ણ વિગતો અહીં.
MoneyControl Newsઅપડેટેડ Oct 27, 2025 પર 12:16 PM
આ IPOમાં બે ભાગ છે - ફ્રેશ ઇશ્યુ અને ઓફર ફોર સેલ (OFS). કંપની 2,150 કરોડના નવા શેર ઇશ્યૂ કરશે, જ્યારે હાલના રોકાણકારો લગભગ 12.8 કરોડ ઇક્વિટી શેર OFS દ્વારા વેચશે. આમાં સોફ્ટબેન્ક અને ટેમાસેક જેવા મોટા નામનો સમાવેશ થાય છે. શેરની ફાળવણી 6 નવેમ્બરે થશે અને લિસ્ટિંગ 10 નવેમ્બરે બંને એક્સચેન્જ – BSE અને NSE પર થશે.
IPOમાંથી મળનારી રકમનો ઉપયોગ કંપની નીચે મુજબ કરશે:
* ભારતમાં નવા કંપની-સંચાલિત (CoCo) સ્ટોર્સ સ્થાપવા માટે કેપિટલ ખર્ચ.
* ટેક્નોલોજી અને ક્લાઉડ ઇન્ફ્રાસ્ટ્રક્ચરમાં રોકાણ.
* બ્રાન્ડ જાગૃતિ અને વ્યવસાય પ્રમોશન માટે માર્કેટિંગ.
* સંભવિત ઇનઓર્ગેનિક એક્વિઝિશન.
2010માં ઓનલાઇન વ્યવસાય તરીકે શરૂ થયેલી લેન્સકાર્ટ આજે દેશની સૌથી મોટી આઇવેર ચેઇન છે. 10 સપ્ટેમ્બર, 2025 સુધી Tracxnના ડેટા પ્રમાણે તેની વેલ્યુએશન $6.1 બિલિયન (લગભગ 51,000 કરોડ) છે. ભારતમાં 2,067 સ્ટોર્સ અને દક્ષિણ પૂર્વ એશિયા તથા મધ્ય પૂર્વમાં 656 આંતરરાષ્ટ્રીય સ્ટોર્સ સાથે તેની મજબૂત હાજરી છે.
વિશેષ વાત એ છે કે IPO પહેલાં જ અરબપતિ રોકાણકાર રાધાકિશન દમાની (DMartના સ્થાપક)એ પ્રી-IPO રાઉન્ડમાં 90 કરોડનું રોકાણ કર્યું છે, જે રોકાણકારોમાં વિશ્વાસ દર્શાવે છે. વાત કરીએ નાણાકીય સ્થિતિની – FY25માં લેન્સકાર્ટે 297 કરોડનો શુદ્ધ નફો નોંધાવ્યો છે, જે FY24ના 10 કરોડના નુકસાનની સરખામણીમાં મોટો સુધારો છે. રેવેન્યુ પણ 22% વધીને 6,625 કરોડ થયું છે.
જો તમે આઇવેર સેક્ટરના આ મજબૂત ખેલાડીમાં રોકાણ કરવા માગો છો, તો 31 ઓક્ટોબરની તારીખ નોંધી લો!
ડિસ્ક્લેમર: (આ ઑફર જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.