Adidas બની ટીમ ઈન્ડિયાની નવી કિટ સ્પોન્સર, IPL વચ્ચે BCCI સેક્રેટરી જય શાહે કરી જાહેરાત

વર્લ્ડ ટેસ્ટ ચેમ્પિયનશિપ (WTC)ની ફાઈનલ મેચ પહેલા ટીમ ઈન્ડિયાના નવા કિટ સ્પોન્સરની જાહેરાત કરવામાં આવી છે. જર્મન સ્પોર્ટ્સ બ્રાન્ડ 'Adidas' ટીમ ઈન્ડિયાની નવી કિટ સ્પોન્સર હશે. ભારતીય ક્રિકેટ કંટ્રોલ બોર્ડ (BCCI)ના સચિવ જય શાહે સોમવારે, 22 મેના રોજ ટીમ ઈન્ડિયાના નવા કિટ સ્પોન્સરની જાહેરાત કરી હતી. તેણે ટ્વિટ કર્યું કે ભારતીય ક્રિકેટ ટીમની નવી કિટ સ્પોન્સર એડિડાસ હશે. તમને જણાવી દઈએ કે એડિડાસ હાલની કિટ સ્પોન્સર કિલર જીન્સનું સ્થાન લેશે.

આ અંગેની જાહેરાત કરતા જય શાહે ટ્વીટ કર્યું, 'મને એ જણાવતા ખૂબ જ આનંદ થાય છે કે BCCI એ કિટ સ્પોન્સર તરીકે એડિડાસ કંપની સાથે જોડાણ કર્યું છે. અમે ક્રિકેટની રમતને આગળ લઈ જવા માટે પ્રતિબદ્ધ છીએ. અમે વિશ્વની સૌથી મોટી સ્પોર્ટ્સ વેર કંપની સાથે જોડાણ કરીને ખૂબ જ ખુશ છીએ.

વાસ્તવમાં, હાલના સ્પોન્સર કિલર જીન્સનો કોન્ટ્રાક્ટ 31 મે 2023ના રોજ સમાપ્ત થશે. કિલર જીન્સ સાથે કીટ સ્પોન્સર તરીકે ટીમ ઈન્ડિયાનો ટૂંકા ગાળાનો કરાર હતો. હવે ટીમ ઈન્ડિયાની જર્સી પર એડિડાસનો લોગો જોવા મળશે. કિલર જીન્સ પહેલા, MPL ટીમ ઈન્ડિયા માટે કિટ સ્પોન્સર હતું.

I'm pleased to announce @BCCI's partnership with @adidas as a kit sponsor. We are committed to growing the game of cricket and could not be more excited to partner with one of the world’s leading sportswear brands. Welcome aboard, @adidas

— Jay Shah (@JayShah) May 22, 2023