સાવધાન! શું તમે પણ હોટલમાં પનીરનું શાક હોંશે હોંશે ખાઓ છો? અમદાવાદની 27000 રેસ્ટોરન્ટમાં ચાલી રહ્યો છે ‘નકલી પનીર’નો કાળો કારોબાર

Fake Paneer: જો તમે વીકએન્ડમાં પરિવાર સાથે હોટલ કે રેસ્ટોરન્ટમાં જમવા જાઓ છો અને પનીર બટર મસાલા કે પનીર ટીક્કા જેવી વાનગીઓ ઓર્ડર કરો છો, તો આ સમાચાર તમારા માટે લાલબત્તી સમાન છે. અમદાવાદના ખાણીપીણીના બજારમાં એક ચોંકાવનારો ખુલાસો થયો છે. શહેરમાં ચાલતી હજારો હોટલોમાં ગ્રાહકોને શુદ્ધ દૂધના પનીરને બદલે સ્વાસ્થ્ય માટે હાનિકારક એવું ‘એનાલોગ પનીર’ (Analog Paneer) ખવડાવવામાં આવી રહ્યું છે.

શું છે આ ‘એનાલોગ પનીર’?

સરળ ભાષામાં કહીએ તો, એનાલોગ પનીર એટલે ‘નકલી પનીર’. દેખાવમાં તે તમને એકદમ અસલી પનીર જેવું જ લાગે છે, પણ હકીકતમાં તેમાં દૂધનો અંશ નહિવત હોય છે. આ પનીર બનાવવા માટે વનસ્પતિ તેલ (Vegetable Oil), સ્ટાર્ચ, મિલ્ક પાવડર અને અલગ-અલગ પ્રકારના કેમિકલ્સનો ઉપયોગ કરવામાં આવે છે.

આ પનીરના પેકિંગ પર ઝીણા અક્ષરે લખેલું પણ હોય છે કે ‘આ દૂધમાંથી બનેલું નથી’, છતાં હોટલ સંચાલકો ગ્રાહકોની આંખમાં ધૂળ નાખીને તેને શુદ્ધ પનીર તરીકે પીરસી રહ્યા છે.

નફા માટે ગ્રાહકોના સ્વાસ્થ્ય સાથે ચેડાં

આ કાળા કારોબાર પાછળનું મુખ્ય કારણ ‘પૈસા’ છે. બજારમાં શુદ્ધ દૂધના પનીરનો ભાવ અંદાજે 400 રૂપિયા પ્રતિ કિલો છે. જ્યારે કેમિકલયુક્ત એનાલોગ પનીર હોલસેલમાં માત્ર 200 થી 250 રૂપિયામાં મળી જાય છે. એટલે કે અડધી કિંમતે! હોટલ માલિકો પોતાનો નફો વધારવા માટે આ સસ્તું અને નકલી પનીર વાપરે છે, જે સીધું ગ્રાહકોના પેટમાં જાય છે.

અમદાવાદમાં રોજનું હજારો કિલો શંકાસ્પદ પનીર ખવાય છે