ભારત સરકારનો મોટો નિર્ણય: સરકારી બોન્ડ્સમાં રોકાણ પર વિદેશી રોકાણકારોને ટેક્સમાંથી સંપૂર્ણ છૂટ, નવો વટહુકમ જારી

કેન્દ્ર સરકારે વિદેશી રોકાણકારોને મોટી ભેટ આપતા એક અત્યંત મહત્વનો નિર્ણય લીધો છે. 5 જૂનના રોજ સરકારે 'ઇન્કમ ટેક્સ વટહુકમ 2026' જારી કર્યો છે. આ અંતર્ગત હવે વિદેશી રોકાણકારોને ભારતના સરકારી બોન્ડ્સમાંથી થતી વ્યાજની આવક અને કેપિટલ ગેઇન્સ પર કોઈપણ પ્રકારનો ટેક્સ ચૂકવવો પડશે નહીં. આ નવો નિયમ 1 એપ્રિલ, 2026 થી લાગુ થશે, જેથી ચાલુ ટેક્સ વર્ષની શરૂઆતથી જ તેનો લાભ મળી શકશે. રાષ્ટ્રપતિ દ્રૌપદી મુર્મુ દ્વારા આ વટહુકમ જારી કરવામાં આવ્યો છે, જે આવકવેરા અધિનિયમ 2025 ની અનુસૂચિ IV માં સુધારો કરે છે.

વટહુકમ કેમ લાવવામાં આવ્યો?

હાલમાં સંસદનું સત્ર ચાલુ ન હોવાથી અને તાત્કાલિક પગલાં લેવાની જરૂરિયાત જણાતા રાષ્ટ્રપતિની મંજૂરીથી આ વટહુકમ બહાર પાડવામાં આવ્યો છે. નાણા મંત્રાલયના જણાવ્યા અનુસાર, આ છૂટનો મુખ્ય હેતુ સરકારી જામીનગીરીઓમાં વિદેશી રોકાણને સરળ બનાવવાનો અને લાયક વિદેશી રોકાણકારો માટે ટેક્સ સિસ્ટમને એકદમ આસાન બનાવવાનો છે.

કયા ટેક્સમાંથી મળી સંપૂર્ણ મુક્તિ?

આ નવા સુધારા મુજબ, ફોરેન ઇન્સ્ટિટ્યૂશનલ ઇન્વેસ્ટર્સ દ્વારા સરકારી જામીનગીરીઓ પર કમાયેલું વ્યાજ અને તેને વેચવા, બદલવા કે ટ્રાન્સફર કરવાથી થતા કેપિટલ ગેઇન પર શરતોને આધીન ટેક્સ છૂટ મળશે.અત્યાર સુધી FII ને 12 મહિનાથી વધુ સમય માટે બોન્ડ હોલ્ડ કરવા પર 12.5% લોંગ-ટર્મ કેપિટલ ગેઇન્સ ટેક્સ (LTCG) ચૂકવવો પડતો હતો. જ્યારે 12 મહિનાથી ઓછા સમય માટે 20% શોર્ટ-ટર્મ કેપિટલ ગેઇન્સ ટેક્સ (STCG) લાગતો હતો.

હવે આ બંને ટેક્સ હટાવી દેવાયા છે. વિદેશી રોકાણકારોને સરકારી બોન્ડની વ્યાજની આવક પર લાગતો 20% વિદહોલ્ડિંગ ટેક્સ પણ નાબૂદ કરવામાં આવ્યો છે. 2013 માં 'ટેપર ટેન્ટ્રમ' વખતે રૂપિયો ગગડતો અટકાવવા આ ટેક્સ 5% ના દરે લાગુ કરાયો હતો. 1 જુલાઈ 2023 સુધી આ દર 5% જ હતો, પરંતુ બાદમાં કેપિટલ ગેઇન્સના દર સમાન કરવા માટે 2023 માં તેને વધારીને 20% કરવામાં આવ્યો હતો.

BISને પણ મળશે આ મોટો ફાયદો