બોલિવૂડ એક્ટર ગોવિંદાની તબિયત લથડીઃ ઘરમાં અચાનક બેભાન થતા રાત્રે 1 વાગ્યે હોસ્પિટલમાં કરાયા દાખલ

હોસ્પિટલમાં દાખલ થવાના એક દિવસ પહેલા ધર્મેન્દ્રને મળવા ગયા હતા

રસપ્રદ વાત એ છે કે, ગોવિંદાને હોસ્પિટલમાં દાખલ કરવામાં આવ્યા તેના માત્ર એક દિવસ પહેલા જ, તેઓ દિગ્ગજ અભિનેતા ધર્મેન્દ્રને મળવા માટે હોસ્પિટલ ગયા હતા. ધર્મેન્દ્ર પણ હાલમાં મુંબઈની બ્રીચ કેન્ડી હોસ્પિટલમાં સારવાર લઈ રહ્યા છે.

જ્યારે ગોવિંદા, ધર્મેન્દ્રને મળીને હોસ્પિટલની બહાર નીકળ્યા હતા, ત્યારે તેમનો એક વીડિયો સોશિયલ મીડિયા પર વાયરલ થયો હતો. આ વીડિયોમાં અભિનેતા પોતે પોતાની કાર ડ્રાઈવ કરીને હોસ્પિટલે જતા જોવા મળ્યા હતા અને તેમના ચહેરા પર ભાવુકતા દેખાતી હતી. હવે એક દિવસ બાદ જ તેમના પોતાના હોસ્પિટલમાં દાખલ થવાના સમાચારથી બોલિવૂડ ઈન્ડસ્ટ્રીમાં અને તેમના ચાહકોમાં ચિંતાનું મોજું ફરી વળ્યું છે.

અભિનેતાના પરિવારે અને મિત્રોએ તેમના ચાહકોને અપીલ કરી છે કે ગોવિંદા ઝડપથી સ્વસ્થ થાય તે માટે પ્રાર્થના કરે. ડોકટરોની ટીમ હાલમાં તેમને સંપૂર્ણપણે સ્વસ્થ કરવા માટે પ્રયત્નશીલ છે. તેમના સ્વાસ્થ્ય વિશે વધુ વિગતો ટેસ્ટ રિપોર્ટ આવ્યા બાદ જ સામે આવશે.

આ પણ વાંચો-ટ્રમ્પનો ભારતને ટેરિફ 'લોલીપોપ'? 50% ટેરિફ ઘટાડવાના સંકેત પાછળનું રાજકારણ શું છે? જાણો નિષ્ણાતો શું કહી રહ્યાં છે?