ગુજરાતમાં કોરોનાનો કહેર: અમદાવાદમાં 2નાં મોત, રાજકોટમાં 7 નવા કેસ, એક્ટિવ કેસ 338

Corona havoc in Gujarat: ગુજરાતમાં કોરોના વાયરસના કેસમાં સતત વધારો થઈ રહ્યો છે, જેમાં અમદાવાદ શહેર સૌથી વધુ અસરગ્રસ્ત છે. રાજ્યમાં હાલ 338 એક્ટિવ કેસ છે, જેમાંથી અમદાવાદમાં 197 કેસ નોંધાયા છે. ગઈકાલે અમદાવાદની એલજી હોસ્પિટલમાં કોરોનાને કારણે બે દર્દીઓનાં મોત થયાં છે, જેમાં એક 18 વર્ષની ગર્ભવતી યુવતી અને બીજી 47 વર્ષની મહિલાનો સમાવેશ થાય છે.

અમદાવાદમાં કોરોનાની સ્થિતિ

અમદાવાદમાં કોરોનાના કેસમાં ઝડપથી વધારો થઈ રહ્યો છે. એલજી હોસ્પિટલમાં નોંધાયેલા બે મોતમાં 18 વર્ષની યુવતીને શ્વાસ લેવામાં તકલીફ હતી, જ્યારે 47 વર્ષની મહિલાને હાઈ બ્લડ પ્રેશર (હાઈપરટેન્શન)ની સમસ્યા હતી. આ બંને દર્દીઓનું કોરોના રિપોર્ટ પોઝિટિવ આવ્યા બાદ તેમની હાલત ગંભીર થઈ હતી. ડોક્ટર્સના જણાવ્યા મુજબ, કોરોનાના લક્ષણોને હળવાશમાં ન લેવા અને તાત્કાલિક સારવાર લેવી જરૂરી છે.

અમદાવાદમાં હાલ 197 એક્ટિવ કેસ છે, અને છેલ્લા 24 કલાકમાં રાજ્યમાં 50 નવા કેસ નોંધાયા છે. આ આંકડા દર્શાવે છે કે ગુજરાત હાલ દેશમાં કોરોનાના એક્ટિવ કેસની દ્રષ્ટિએ ત્રીજા ક્રમે છે.

રાજકોટમાં પણ કોરોનાનો ફેલાવો

રાજકોટમાં પણ કોરોનાએ ફરી માથું ઊંચક્યું છે. ગઈકાલે શહેરમાં 7 નવા કેસ નોંધાયા, જેમાં 3 પુરૂષ અને 4 મહિલાઓનો સમાવેશ થાય છે. 19 મેથી અત્યાર સુધી રાજકોટમાં કુલ 44 કેસ નોંધાયા છે, જેમાંથી 38 દર્દીઓ હાલ હોમ આઈસોલેશનમાં સારવાર લઈ રહ્યા છે, જ્યારે 6 દર્દીઓ સ્વસ્થ થયા છે. આઈસોલેશનમાં રહેલા દર્દીઓની હાલત સ્થિર હોવાનું જણાવવામાં આવ્યું છે.

દેશમાં કોરોનાની સ્થિતિ