Delhi protest news today: મુખ્ય ચૂંટણી કમિશનર જ્ઞાનેશ કુમારના વિરોધમાં આગામી શનિવાર, 10 ઓક્ટોબરે દિલ્હીના જંતર-મંતર ખાતે મોટું આંદોલન થવા જઈ રહ્યું છે. કોકરોચ જનતા પાર્ટી અને AISA દ્વારા આયોજિત આ વિશાળ વિરોધ પ્રદર્શનને ધ્યાનમાં રાખીને દિલ્હી અત્યારથી જ એક પોલીસ છાવણીમાં ફેરવાઈ ગયું છે. દિલ્હી પોલીસે ભારતીય નાગરિક સુરક્ષા સંહિતાની કલમ 163 નો હવાલો આપીને આ પ્રદર્શન માટે પરવાનગી આપવાની સ્પષ્ટ ના પાડી દીધી છે. દિલ્હી અને NCR માં ભીડને એકઠી થતી રોકવા માટે વાહનવ્યવહાર અને અન્ય સેવાઓ પર મોટા પ્રતિબંધો લગાવી દેવામાં આવ્યા છે.
દિલ્હી બન્યું અભેદ્ય કિલ્લો: કોકરોચ આંદોલન પહેલા ટ્રેનો-મેટ્રો અને દારૂની દુકાનો બંધ, 23000 જવાનો તૈનાત
Delhi protest news today: 10 ઓક્ટોબરે દિલ્હીમાં કોકરોચ જનતા પાર્ટીના વિરોધ પ્રદર્શન પહેલા કલમ 163 લાગુ. મેટ્રો, ટ્રેનો અને દારૂની દુકાનો બંધ. 23000 જવાનો તૈનાત. જાણો લેટેસ્ટ અપડેટ.
MoneyControl Newsઅપડેટેડ Oct 09, 2026 પર 12:59 PM
ટ્રેનો અને મેટ્રો સેવાઓ પર મોટી અસર
આંદોલનને પગલે મુસાફરોને ભારે હાલાકીનો સામનો કરવો પડી શકે છે. રેલવે અને મેટ્રો પ્રશાસન દ્વારા નીચે મુજબના કડક નિર્ણયો લેવાયા છે:
ટ્રેનો રદ: 10 ઓક્ટોબરના રોજ સવારે 4:00 વાગ્યાથી બપોરે 2:00 વાગ્યા સુધી નવી દિલ્હી (NDLS) અને હઝરત નિઝામુદ્દીન સ્ટેશને આવતી-જતી તમામ ટ્રેનો 10 કલાક માટે રદ રહેશે.
રાજધાની એક્સપ્રેસ કેન્સલ: પશ્ચિમ બંગાળથી આવતી 12301 હાવડા-નવી દિલ્હી રાજધાની અને 12313 શિયાલદહ-નવી દિલ્હી રાજધાની એક્સપ્રેસ પણ રદ કરાઈ છે. આ ઉપરાંત 9 ઓક્ટોબરે બપોરે 14:00 વાગ્યા પછી ઉપડતી ઘણી ટ્રેનો તેમના મૂળ સ્ટેશનેથી જ રદ કરી દેવાઈ છે.
મેટ્રો બંધ: દિલ્હી પોલીસે DMRC ને પત્ર લખીને 57 જેટલા મેટ્રો સ્ટેશનોના એન્ટ્રી અને એક્ઝિટ ગેટ 9 ઓક્ટોબર રાત્રે 9:00 વાગ્યાથી બંધ કરવા જણાવ્યું છે. જ્યાં સુધી સ્થિતિ સામાન્ય નહીં થાય ત્યાં સુધી આ ગેટ બંધ રહેશે અને મેટ્રોની ફ્રીક્વન્સી પણ ઘટાડાશે.
23000 જવાનોનો સઘન બંદોબસ્ત
સુરક્ષા વ્યવસ્થા જાળવી રાખવા માટે ગૃહ મંત્રાલયે 8 થી 12 ઓક્ટોબર સુધી CAPF ની 221 કંપનીઓ ફાળવી છે. આશરે 23,000 જવાનોને તૈનાત કરવામાં આવ્યા છે. ખાસ વાત એ છે કે આમાં 5 ઓલ-વુમન પેરામિલીટરી કંપનીઓ પણ સામેલ છે. પરિસ્થિતિને પહોંચી વળવા માટે જમ્મુ કાશ્મીર, પશ્ચિમ બંગાળ અને છત્તીસગઢથી સ્પેશિયલ ફોર્સ બોલાવાઈ છે.
સ્ટેડિયમ બન્યા અસ્થાયી જેલ અને બોર્ડર સીલ
ડિટેન્શન સેન્ટર: પ્રદર્શનકારીઓની અટકાયત કરવા માટે દિલ્હીના વિવિધ જિલ્લાઓમાં 10 જેટલા અસ્થાયી ડિટેન્શન સેન્ટરો (જેલ) બનાવાયા છે. બવાનાનું રાજીવ ગાંધી સ્ટેડિયમ, છત્રસાલ સ્ટેડિયમ તેમજ નરેલા, પૂર્વ દિલ્હી અને ઉત્તર-પશ્ચિમ દિલ્હીની સરકારી ઈમારતોને જેલમાં ફેરવી દેવાઈ છે.
બોર્ડર પર ચેકિંગ: દિલ્હીની તમામ બોર્ડર પર હાઈ-એલર્ટ છે. બહારના રાજ્યોમાંથી આવતા શંકાસ્પદ લોકો અને ટોળાંને બોર્ડર પર જ અટકાવીને કસ્ટડીમાં લેવામાં આવશે.
દારૂની દુકાનો બંધ અને ઇન્ટરનેટ પર પ્રતિબંધની શક્યતા
પોલીસના ઈનપુટને આધારે દિલ્હી એક્સાઇઝ વિભાગે 9 અને 10 ઓક્ટોબરના રોજ શહેરની તમામ દારૂની દુકાનો સંપૂર્ણપણે બંધ રાખવાનો આદેશ આપ્યો છે. આ સાથે જ, કેબ અને હોટલ બુકિંગ પર પણ નિયંત્રણો છે. અફવાઓ ફેલાતી રોકવા અને ભીડ ભેગી ન થાય તે માટે જે વિસ્તારોમાં પ્રદર્શનકારીઓને રખાશે ત્યાં ઇન્ટરનેટ સેવાઓ બંધ કરાઈ શકે છે. જરૂર પડ્યે નવી દિલ્હી અને સેન્ટ્રલ દિલ્હીમાં પણ નેટ બંધ થઈ શકે છે.
The Delhi Excise Department, Government of the National Capital Territory of Delhi, in a circular dated October 8, 2026, ordered the complete closure of all retail liquor vends operating in Delhi under licences in Form L6, L6 & L6 FG, L8, L10 and L8 & L14 on October 9 and 10, 2026, citing the prevailing situation and inputs received from Delhi Police as a preventive measure aimed at maintaining public order. — Press Trust of India (@PTI_News) October 8, 2026
મીડિયા માટે ખાસ સૂચના
દિલ્હી પોલીસે તમામ પત્રકારો અને કેમેરામેન માટે ગાઈડલાઈન બહાર પાડી છે કે રિપોર્ટિંગ વખતે બેરિકેડ્સ પાસે તેઓએ પોતાનું વેલિડ પ્રેસ આઈડી કાર્ડ સ્પષ્ટ દેખાય તે રીતે ફરજિયાત પહેરવાનું રહેશે.
કોકરોચ જનતા પાર્ટીના આ આંદોલનને લઈને દિલ્હી પોલીસ કોઈ પણ પ્રકારનું જોખમ લેવા માંગતી નથી. સામાન્ય નાગરિકોને અપીલ કરવામાં આવે છે કે તેઓ 9 અને 10 ઓક્ટોબરના રોજ ઘરની બહાર નીકળતા પહેલા ટ્રાફિક અને મેટ્રોની અપડેટ ચોક્કસ મેળવી લે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.