ટ્રમ્પની નવી માંગથી રાજકીય ગરમાવો: ન્યૂ મેક્સિકોનું નામ બદલીને ન્યૂ અમેરિકા કરો, લોકોએ કહ્યું- ક્યાંક ન્યૂ ઈન્ડિયા ન કરી દે!

Donald Trump New Mexico: શું અમેરિકાના નકશા પરથી કોઈ રાજ્યનું નામ બદલાઈ જશે? અમેરિકાના રાષ્ટ્રપતિ ડોનાલ્ડ ટ્રમ્પે તાજેતરમાં એક એવું નિવેદન આપ્યું છે, જેનાથી રાજકીય ચર્ચા અને સોશિયલ મીડિયા પર મજાકનો દોર શરૂ થઈ ગયો છે. સોમવારે ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર પોસ્ટ કરીને ન્યૂ મેક્સિકો રાજ્યનું તાત્કાલિક નામ બદલીને ન્યૂ અમેરિકા રાખવાની ભલામણ કરી છે.

ટ્રમ્પે નામ બદલવાની કેમ કરી માંગ?

ટ્રમ્પે પોતાની પોસ્ટમાં દલીલ કરી છે કે આ રાજ્ય કોઈ મેક્સિકો દેશનો ભાગ નથી, પરંતુ તે યુનાઇટેડ સ્ટેટ્સ ઓફ અમેરિકા નો જ એક હિસ્સો છે. તેમના મતે, જો રાજ્યનું નામ ન્યૂ અમેરિકા કરવામાં આવે, તો તેની પ્રતિષ્ઠા અને મહત્વ વધશે. સાથે જ ત્યાં રહેતા નાગરિકોમાં અમેરિકન ધ્વજ અને દેશ પ્રત્યે ગર્વની લાગણી વધુ મજબૂત બનશે.

સોશિયલ મીડિયા પર લોકોએ લીધી મજાક

આ પહેલીવાર નથી જ્યારે ટ્રમ્પે નામ બદલવાની વાત કરી હોય. અગાઉ તેમણે ગલ્ફ ઓફ મેક્સિકો નું નામ બદલીને ગલ્ફ ઓફ અમેરિકા અને લેક ઓન્ટારિયો નું નામ લેક અમેરિકા કરવાનું સૂચન કર્યું હતું. આ સિલસિલાને જોઈને સોશિયલ મીડિયા પર યુઝર્સ તેમની ખૂબ મજાક ઉડાવી રહ્યા છે. કેટલાક લોકોએ તો કટાક્ષમાં ત્યાં સુધી કહી દીધું કે, "જો આમ જ ચાલશે તો ટ્રમ્પ ભવિષ્યમાં આખા અમેરિકાનું નામ બદલીને ન્યૂ ઇન્ડિયા કરી દેશે!"

રાજકીય નેતાઓનો ભારે વિરોધ

ટ્રમ્પના આ સૂચનનો અમેરિકન નેતાઓએ કડક શબ્દોમાં વિરોધ કર્યો છે: