સુરતથી ચેન્નઈ માત્ર 16 કલાકમાં! 900 કિમી લાંબો નવો હાઈ-સ્પીડ એક્સપ્રેસ વે ગુજરાતને 5 રાજ્યો સાથે સીધો જોડશે

* મહારાષ્ટ્ર: નાસિક, અહમદનગર, સોલાપુર અને અક્કલકોટ

* કર્ણાટક: કલબુર્ગી (ગુલબર્ગા) અને રાયચૂર

* તેલંગાણા: ગઢવાલ

* આંધ્રપ્રદેશ: કુર્નૂલ, કડપ્પા અને તિરુપતિ

* તમિલનાડુ: ચેન્નઈ

અર્થતંત્ર અને પ્રવાસન માટે સાબિત થશે ‘લાઈફલાઈન'

આ એક્સપ્રેસ વે સંપૂર્ણ રીતે કાર્યરત થયા પછી પશ્ચિમ અને દક્ષિણ ભારત વચ્ચે એક મજબૂત આર્થિક લાઈફલાઈન બની જશે. તેનાથી માત્ર મુસાફરી જ નહીં, પરંતુ લોજિસ્ટિક્સ અને માલસામાનનું પરિવહન પણ ખૂબ જ ઝડપી બનશે. આ ઉપરાંત, તિરુપતિ જેવા વિશ્વવિખ્યાત ધાર્મિક સ્થળ સાથે સીધું કનેક્શન મળવાથી પ્રવાસન ઉદ્યોગને પણ મોટો બૂસ્ટ મળશે.

મુંબઈ-અમદાવાદ અને દિલ્હી હાઈવે સાથે પણ જોડાશે

સુરત ખંડમાં થયેલા ફેરફાર પછી પણ કનેક્ટિવિટીમાં કોઈ ઘટાડો નહીં થાય. મહારાષ્ટ્ર રાજ્ય માર્ગ વિકાસ નિગમ દ્વારા આ રૂટને 'હિન્દુ હૃદયસમ્રાટ બાળાસાહેબ ઠાકરે મહારાષ્ટ્ર સમૃદ્ધિ મહામાર્ગ' મારફતે મુંબઈ-અમદાવાદ હાઈવે સાથે જોડી દેવામાં આવશે. આટલું જ નહીં, તેનું પરોક્ષ જોડાણ દેશના સૌથી મોટા 'દિલ્હી-મુંબઈ એક્સપ્રેસ વે' સાથે પણ રહેશે, જેથી ભારતભરના વાહનવ્યવહાર માટે આ નેટવર્ક ખૂબ ઉપયોગી બનશે.

કેટલું થયું કામ અને શું છે પ્રોજેક્ટની ડેડલાઈન?

આ મેગા પ્રોજેક્ટનું કામકાજ હાલમાં અલગ અલગ તબક્કામાં ખૂબ ઝડપથી ચાલી રહ્યું છે. લેટેસ્ટ અપડેટ મુજબ, મહારાષ્ટ્ર કેબિનેટે 374 કિલોમીટર લાંબા નાસિક-સોલાપુર-અક્કલકોટ ગ્રીનફિલ્ડ સેક્શન માટે 19142 કરોડ રૂપિયાના ખર્ચને લીલી ઝંડી આપી દીધી છે.

બીજી તરફ, કર્ણાટક અને આંધ્રપ્રદેશ વચ્ચે આવતા 177 કિલોમીટર લાંબા રૂટ પર જમીન સંપાદનની કામગીરીએ પણ જોર પકડ્યું છે અને ત્યાં બાંધકામ શરૂ કરી દેવામાં આવ્યું છે. ભારતીય રાષ્ટ્રીય રાજમાર્ગ પ્રાધિકરણ (NHAI) દ્વારા આ સમગ્ર સુરત-ચેન્નઈ એક્સપ્રેસ વે પ્રોજેક્ટને વર્ષ 2027 ના અંત સુધીમાં પૂરો કરવાનો અને જનતા માટે ખુલ્લો મૂકવાનો લક્ષ્યાંક રાખવામાં આવ્યો છે.

આ પણ વાંચો- રિટાયરમેન્ટ ફંડ સાથે મળશે ફ્રી હેલ્થ ઇન્શ્યોરન્સ! 10 પોઈન્ટમાં સરળતાથી સમજો ‘NPS સ્વાસ્થ્ય સ્કીમ'ની તમામ લેટેસ્ટ માહિતી

ટુંકમાં કહીએ તો, વર્ષ 2027 સુધીમાં તૈયાર થનારો આ એક્સપ્રેસ વે ગુજરાત અને દક્ષિણ ભારત વચ્ચેના અંતરને ભૂંસી નાખશે. સમયની બચતની સાથે સાથે તે બંને પ્રદેશોના વેપાર અને ઉદ્યોગને એક નવી ઊંચાઈ પર લઈ જશે.