Gen Alphaનો ડિજિટલ જુગાડ! ઓસ્ટ્રેલિયામાં સોશિયલ મીડિયા બેન નિષ્ફળ, બાળકોએ VPNથી શોધ્યો નવો રસ્તો

Australia social media ban: ઓસ્ટ્રેલિયા સરકારે બાળકોને ઓનલાઈન બુલિંગ અને ખરાબ અલ્ગોરિધમથી બચાવવા માટે 16 વર્ષથી નાની ઉંમરના બાળકો માટે દુનિયાનો સૌથી કડક સોશિયલ મીડિયા બેન લાગુ કર્યો હતો. પરંતુ આજની સ્માર્ટ ‘Gen Alpha' પેઢી સામે સરકારના આ નિયમો ઘૂંટણિયે પડી ગયા છે. લેટેસ્ટ રિપોર્ટ દર્શાવે છે કે બાળકોએ કાયદાની પરવા કર્યા વગર ઇન્સ્ટાગ્રામ, ટિકટોક અને સ્નેપચેટ વાપરવાનો નવો રસ્તો શોધી કાઢ્યો છે અને સરકારના હેતુ પર પાણી ફેરવી દીધું છે.

શરૂઆતમાં ડર જોવા મળ્યો, પણ હવે ફરી જૂની સ્થિતિ

જ્યારથી ઓસ્ટ્રેલિયામાં ડિસેમ્બર મહિનાથી આ પ્રતિબંધ લાગુ થયો, ત્યારથી શરૂઆતના દિવસોમાં બાળકોનો સોશિયલ મીડિયાનો વપરાશ થોડો ઘટ્યો હતો. પરંતુ 25 ઓગસ્ટના રોજ પેરેન્ટલ કંટ્રોલ સોફ્ટવેર કંપની 'ક્યુસ્ટોડિયો'ના રિપોર્ટમાં ચોંકાવનારા આંકડા સામે આવ્યા છે. રિપોર્ટ મુજબ, 10થી 15 વર્ષના બાળકોમાં સોશિયલ મીડિયાનો ક્રેઝ ફરીથી બેન પહેલાં હતો તેટલો જ થઈ ગયો છે.

ચોંકાવનારા આંકડા શું કહે છે?

13થી 15 વર્ષના આશરે 25.9% બાળકો આજે પણ ટિકટોકનો બેધડક ઉપયોગ કરી રહ્યા છે. પ્રતિબંધ પહેલા કરતા આ આંકડામાં માત્ર 1% નો જ નજીવો ઘટાડો નોંધાયો છે. 10થી 12 વર્ષના નાના બાળકોના કિસ્સામાં તો આ ઘટાડો માત્ર 0.06% જેટલો જ છે, જે દર્શાવે છે કે કાયદાની કોઈ અસર થઈ નથી.

બાળકો કેવી રીતે કાયદો તોડી રહ્યા છે?

સાયબર સેફ્ટી નિષ્ણાતોના જણાવ્યા મુજબ, બાળકોએ આ પ્લેટફોર્મ્સ વાપરવા માટે ડિજિટલ રસ્તાઓ શોધી લીધા છે: