ગુજરાતમાં મેઘાવી માહોલ! 24 કલાકમાં 93 તાલુકામાં વરસાદ, ભાવનગરમાં સૌથી વધુ

Gujarat Weather: ગુજરાતમાં મોનસૂન ફરી એકવાર સક્રિય થયું છે. છેલ્લા 24 કલાકમાં રાજ્યના 93 તાલુકામાં વરસાદ નોંધાયો, જેમાં ભાવનગરમાં સૌથી વધુ 1.97 ઈંચ વરસાદ નોંધાયો. સ્ટેટ ઈમરજન્સી ઓપરેશન સેન્ટર, ગાંધીનગરના આંકડા પ્રમાણે, 3 ઓગસ્ટ 2025ની સવારે 6 વાગ્યાથી 4 ઓગસ્ટ 2025ની સવારે 6 વાગ્યા સુધીના 24 કલાકમાં વરસાદે રાજ્યના અનેક વિસ્તારોને ભીંજવ્યા.

91 તાલુકામાં હળવો, 2 તાલુકામાં ભારે વરસાદ

આ 24 કલાકમાં 93 તાલુકામાં વરસાદ નોંધાયો, પરંતુ 91 તાલુકામાં 1 ઈંચથી ઓછો વરસાદ પડ્યો. માત્ર બે તાલુકા એવા હતા જ્યાં 1 ઈંચથી વધુ વરસાદ નોંધાયો. ભાવનગરમાં 1.97 ઈંચ અને સાબરકાંઠાના પ્રાંતિજમાં 1.38 ઈંચ વરસાદે હાજરી પુરાવી. આ ઉપરાંત, 2 ઓગસ્ટથી 3 ઓગસ્ટના 24 કલાકમાં 85 તાલુકામાં વરસાદ નોંધાયો, જેમાં 32 તાલુકામાં માત્ર 1-2 એમએમનો હળવો વરસાદ જોવા મળ્યો.

આજે ઉત્તર ગુજરાતમાં ભારે વરસાદની આગાહી

હવામાન વિભાગે 4 ઓગસ્ટ 2025, સોમવાર માટે ઉત્તર ગુજરાતના ત્રણ જિલ્લાઓ - સાબરકાંઠા, અરવલ્લી અને મહિસાગરમાં ભારે વરસાદની આગાહી કરી છે. આગામી કલાકોમાં આ વિસ્તારોમાં ભારે વરસાદની શક્યતા છે, જેના કારણે સ્થાનિક વહીવટી તંત્રને સતર્ક રહેવા સૂચના આપવામાં આવી છે.

ગુજરાતમાં ક્યાં કેટલો વરસાદ?

* સૌથી વધુ વરસાદ: ભાવનગર (1.97 ઈંચ)