IMD Weather Forecast: ગુજરાત સહિત દેશના 20 રાજ્યોમાં ભારે વરસાદની આગાહી, 60 KMની ઝડપે ફૂંકાશે તોફાની પવન

IMD Weather Forecast: ચોમાસાની વિદાયનો સમય નજીક આવી રહ્યો છે, પરંતુ મેઘરાજા હજુ પણ શાંત થવાનું નામ નથી લઈ રહ્યા. ભારતીય હવામાન વિભાગ દ્વારા આજે એટલે કે 15 સપ્ટેમ્બરના રોજ દેશના 20 રાજ્યોમાં ભારે વરસાદ, ગાજવીજ અને વીજળી પડવાની કડક ચેતવણી જાહેર કરવામાં આવી છે. હવામાન વિભાગના લેટેસ્ટ અપડેટ મુજબ, આ દરમિયાન કેટલાક વિસ્તારોમાં 60 કિલોમીટર પ્રતિ કલાકની ઝડપે તોફાની પવન પણ ફૂંકાઈ શકે છે.

ગુજરાતના 8 જિલ્લાઓમાં 'રેડ એલર્ટ'

ગુજરાતમાં મેઘરાજા ફરી એકવાર આક્રમક બેટિંગ કરવા તૈયાર છે. IMD દ્વારા ગુજરાતના અમદાવાદ, ગાંધીનગર, રાજકોટ, મોરબી, પોરબંદર, જામનગર અને દેવભૂમિ દ્વારકા સહિત કુલ 8 જિલ્લાઓમાં ભારેથી અતિ ભારે વરસાદનું રેડ એલર્ટ જાહેર કરવામાં આવ્યું છે. લોકોને સાવચેત રહેવા અપીલ કરવામાં આવી છે.

દિલ્હીમાં કેવું રહેશે વાતાવરણ?

દેશની રાજધાની દિલ્હીમાં આગામી થોડા દિવસો સુધી વાદળછાયું વાતાવરણ રહેશે અને હળવા વરસાદ સાથે ગાજવીજ થવાની સંભાવના છે. આજે દિલ્હીનું મહત્તમ તાપમાન 32 ડિગ્રી અને લઘુત્તમ તાપમાન 24 ડિગ્રી સેલ્સિયસની આસપાસ રહી શકે છે. અહીં પણ તેજ પવન ફૂંકાવાની શક્યતા છે.

યુપીના અનેક જિલ્લાઓમાં આંધી-વરસાદ

ઉત્તર પ્રદેશના ગાઝિયાબાદ, આગ્રા, મથુરા, મુઝફ્ફરનગર, મુરાદાબાદ, કાનપુર, ગૌતમબુદ્ધ નગર, સીતાપુર, સહારનપુર અને બિઝનોર સહિતના અનેક જિલ્લાઓમાં આંધી અને વરસાદનું એલર્ટ છે. અહીં 45 થી 50 કિલોમીટર પ્રતિ કલાકની ઝડપે પવન ફૂંકાઈ શકે છે. લખનૌમાં આજે મહત્તમ તાપમાન 33 ડિગ્રી અને લઘુત્તમ 26 ડિગ્રી રહેવાનું અનુમાન છે.