સ્વાતંત્ર્ય દિવસ પહેલા દિલ્હીમાં હાઈ એલર્ટ: આતંકી અને ખાલિસ્તાની ખતરાને પગલે લાલ કિલ્લા પર અભેદ્ય સુરક્ષા વ્યવસ્થા

આગામી સ્વાતંત્ર્ય દિવસની ઉજવણીને લઈને દેશની રાજધાની દિલ્હીમાં અત્યારથી જ હાઈ એલર્ટ જાહેર કરી દેવામાં આવ્યું છે. ગુપ્તચર વિભાગના ઇનપુટ મુજબ, પાકિસ્તાન સમર્થિત આતંકવાદી સંગઠનો અને ખાલિસ્તાની તત્વો દ્વારા સુરક્ષાને લઈને મોટો ખતરો હોવાની આશંકા છે. આ ઉપરાંત અચાનક થતા વિરોધ પ્રદર્શનોને  લઈને પણ સુરક્ષા એજન્સીઓને વિશેષ એલર્ટ આપવામાં આવ્યું છે.

વડાપ્રધાનનું સંબોધન અને મહેમાનોની હાજરી

સ્વાતંત્ર્ય દિવસના પાવન અવસરે વડાપ્રધાન નરેન્દ્ર મોદી ઐતિહાસિક લાલ કિલ્લા પરથી રાષ્ટ્રધ્વજ ફરકાવશે અને દેશવાસીઓને સંબોધિત કરશે. પોતાના ભાષણમાં તેઓ સરકારનું વિઝન અને અત્યાર સુધીની સિદ્ધિઓ દેશ સમક્ષ રજૂ કરશે. મળતી માહિતી મુજબ, લાલ કિલ્લા પર યોજાનારા આ ભવ્ય સમારોહમાં આશરે 24000 જેટલા ખાસ મહેમાનો હાજરી આપે તેવી શક્યતા છે.

લાલ કિલ્લા પર 12000 પોલીસકર્મીઓનો લોખંડી પહેરો

કાર્યક્રમની સંવેદનશીલતાને જોતા દિલ્હી પોલીસે સુરક્ષાનો ખાસ એક્શન પ્લાન તૈયાર કર્યો છે, લાલ કિલ્લા પર વડાપ્રધાનના સમારોહની સુરક્ષા માટે 12000 થી વધુ દિલ્હી પોલીસના જવાનો તૈનાત રહેશે.

દિલ્હી પોલીસની સાથે અન્ય સુરક્ષા અને ગુપ્તચર એજન્સીઓ પણ સતત દેખરેખ રાખશે. આધુનિક ટેકનોલોજીનો ઉપયોગ કરતા લાલ કિલ્લા અને તેની આસપાસના વિસ્તારોમાં 1000 થી વધુ આર્ટિફિશિયલ ઇન્ટેલિજન્સ આધારિત CCTV કેમેરા લગાવવામાં આવ્યા છે.

આધુનિક ટેકનોલોજી અને સ્પેશિયલ ફોર્સની તૈનાતી