India US Trade Relations: ટ્રમ્પ સરકાર ભારત સામે નરમ પડી? 25% ટેરિફ હટાવવાના સંકેત, રશિયન તેલ પર અમેરિકાનું મોટું નિવેદન

India US Trade Relations: વૈશ્વિક રાજકારણ અને વેપાર જગતમાં ભારતનું કદ સતત વધી રહ્યું છે. દાવોસમાં ચાલી રહેલા વર્લ્ડ ઈકોનોમિક ફોરમ (WEF) દરમિયાન ભારત અને અમેરિકાના સંબંધોને લઈને એક મોટા સમાચાર સામે આવ્યા છે. અમેરિકી ટ્રેઝરી સેક્રેટરી સ્કોટ બેસેન્ટના એક નિવેદને આંતરરાષ્ટ્રીય બજારમાં હલચલ મચાવી દીધી છે. તેમના આ નિવેદનને ભારત માટે એક મોટી રાહત અને કૂટનીતિક જીત તરીકે જોવામાં આવી રહ્યું છે.

વાત જાણે એમ છે કે, સ્કોટ બેસેન્ટે ઈશારો કર્યો છે કે ભારત પર રશિયન તેલ ખરીદવાને કારણે જે વધારાનો 25% ટેરિફ લગાવવામાં આવ્યો હતો, તેને હટાવવાનો રસ્તો ખુલ્લો છે. આ નિવેદન એવા સમયે આવ્યું છે જ્યારે બંને દેશો વચ્ચે વેપાર નીતિઓને લઈને તણાવ ચાલી રહ્યો હતો.

શું કહ્યું અમેરિકી ટ્રેઝરી સેક્રેટરીએ?

અમેરિકન મીડિયા 'પોલિટિકો' સાથે વાત કરતા સ્કોટ બેસેન્ટે દાવો કર્યો કે અમેરિકાની ટેરિફ નીતિ સફળ રહી છે. તેમણે કહ્યું કે, "અમેરિકી ટેરિફ લાગ્યા બાદ ભારતની રિફાઇનરીઓ દ્વારા રશિયન કાચા તેલની ખરીદી લગભગ ખતમ થઈ ગઈ છે અથવા ઘણી ઘટી ગઈ છે." તેમણે આને અમેરિકાની મોટી સફળતા ગણાવી છે. બેસેન્ટે સ્પષ્ટ કર્યું કે અત્યારે ભલે ટેરિફ લાગુ છે, પરંતુ તેને હટાવવાનો વિકલ્પ પણ છે. જો ભારત પોતાની એનર્જી સપ્લાયની રણનીતિમાં થોડો ફેરફાર કરે અને અમેરિકા સાથે સહયોગ વધારે, તો આ વધારાનો ટેક્સ દૂર થઈ શકે છે.

500% ડ્યુટીની ધમકી અને ભારતનો જડબાતોડ જવાબ

એક તરફ ટેરિફ હટાવવાની વાત છે, તો બીજી તરફ અમેરિકામાં એક એવા બિલ પર પણ ચર્ચા ચાલી રહી છે જેમાં રશિયન તેલ ખરીદતા દેશો પર 500% સુધીની ડ્યુટી લગાવવાની જોગવાઈ છે. જોકે, ભારતે આ મામલે પોતાનું વલણ સ્પષ્ટ કરી દીધું છે. ભારતીય વિદેશ મંત્રાલયના પ્રવક્તા રણધીર જયસ્વાલે સ્પષ્ટ શબ્દોમાં કહ્યું હતું કે ભારતની ઉર્જા નીતિ 'ઇન્ડિયા ફર્સ્ટ' સિદ્ધાંત પર આધારિત છે. ભારત સરકારની પહેલી પ્રાથમિકતા દેશના 140 કરોડ નાગરિકોને સસ્તું પેટ્રોલ-ડીઝલ અને ઉર્જા પૂરી પાડવાની છે. ભારત અમેરિકાના પ્રસ્તાવિત બિલ પર નજર રાખી રહ્યું છે, પરંતુ પોતાના હિતો સાથે કોઈ સમાધાન કરશે નહીં.

યુરોપની બેવડી નીતિ પર પ્રહાર