India Missile Test: ભારતની રેલથી અગ્નિ પ્રાઇમ મિસાઇલનું સફળ પરીક્ષણ, રક્ષા ક્ષેત્રે નવો ઇતિહાસ, જુઓ વીડિયો

અગ્નિ પ્રાઇમ એ નવી પેઢીની બેલિસ્ટિક મિસાઇલ છે, જે 2000 કિલોમીટર સુધીની મારક ક્ષમતા ધરાવે છે. આ મિસાઇલને DRDO દ્વારા ડિઝાઇન અને વિકસાવવામાં આવી છે અને તે પરમાણુ હથિયાર વહન કરવાની ક્ષમતા ધરાવે છે. આ મિસાઇલ ઉચ્ચ સ્તરની સચોટતા સાથે મિશનના તમામ ઉદ્દેશ્યો પૂર્ણ કરે છે. આ સફળ પરીક્ષણે ભારતની રક્ષા ટેકનોલોજીમાં એક નવું પ્રકરણ ઉમેર્યું છે.

ભારતની અન્ય મિસાઇલો

ભારત પાસે અગ્નિ-1 થી અગ્નિ-5 સુધીની અન્ય ઘાતક મિસાઇલો પણ છે. અગ્નિ-1 થી અગ્નિ-4ની રેન્જ 700 કિલોમીટરથી 3500 કિલોમીટર સુધીની છે, જ્યારે અગ્નિ-5ની રેન્જ 5000 કિલોમીટર સુધીની છે, જે ચીનના દૂરના ઉત્તરીય વિસ્તારો અને યુરોપના કેટલાક ભાગોને આવરી લે છે.

રક્ષા મંત્રીની શુભેચ્છા

રાજનાથ સિંહે DRDO, સ્ટ્રેટેજિક ફોર્સિસ કમાન્ડ (SFC) અને સશસ્ત્ર દળોને આ સફળતા બદલ અભિનંદન આપ્યા છે. આ પરીક્ષણ ભારતની રક્ષા ક્ષમતામાં એક મહત્ત્વપૂર્ણ પગલું છે, જે દેશની સુરક્ષાને વધુ મજબૂત બનાવે છે.