Get App

નીતા અંબાણીની મોટી જાહેરાત: અનાથ બાળકો, વૃદ્ધો અને દિવ્યાંગો માટે 100 એકરમાં બનશે અનંત આશ્રય, 5,000થી વધુ લોકોને મળશે પોતાનું ઘર

Anant Ashray Project: રિલાયન્સ ફાઉન્ડેશનના ચેરપર્સન નીતા અંબાણીએ મહારાષ્ટ્રના કર્જતમાં 100 એકરમાં બનનારા 'અનંત આશ્રય' પ્રોજેક્ટનું ભૂમિપૂજન કર્યું. અહીં 5,000થી વધુ નિરાધાર લોકોને મળશે પરિવારની હૂંફ.

MoneyControl Newsઅપડેટેડ Nov 02, 2026 પર 10:21 AM
નીતા અંબાણીની મોટી જાહેરાત: અનાથ બાળકો, વૃદ્ધો અને દિવ્યાંગો માટે 100 એકરમાં બનશે અનંત આશ્રય, 5,000થી વધુ લોકોને મળશે પોતાનું ઘરનીતા અંબાણીની મોટી જાહેરાત: અનાથ બાળકો, વૃદ્ધો અને દિવ્યાંગો માટે 100 એકરમાં બનશે અનંત આશ્રય, 5,000થી વધુ લોકોને મળશે પોતાનું ઘર
ભૂમિપૂજન પ્રસંગે ભાવુક થતાં નીતા અંબાણીએ જણાવ્યું હતું કે, ‘અનંત આશ્રય' પ્રોજેક્ટ તેમના અને તેમના પરિવારના હૃદયની ખૂબ જ નજીક છે. પોતાની વાત રજૂ કરતાં તેમણે કહ્યું, "હું પોતે એક માતા છું અને એ વાત સારી રીતે સમજું છું કે પોતાના બાળકોને ખુશ, સુરક્ષિત અને સ્વસ્થ જોવા એ જ કોઈપણ માતા માટે સૌથી મોટું સુખ હોય છે.

Nita Mukesh Ambani Anant Ashray: રિલાયન્સ ફાઉન્ડેશનના સ્થાપક અને ચેરપર્સન નીતા અંબાણીએ સમાજના નિરાધાર લોકો માટે એક ખૂબ જ સંવેદનશીલ અને મોટી પહેલની જાહેરાત કરી છે. અનાથ બાળકો, નિરાધાર વૃદ્ધો અને દિવ્યાંગોને પોતાનું કાયમી ઘર તેમજ પરિવાર જેવી હૂંફ મળી રહે તે માટે 'નીતા મુકેશ અંબાણી અનંત આશ્રય' (Nita Mukesh Ambani Anant Ashray) બનાવવાની જાહેરાત કરવામાં આવી છે. મુંબઈ નજીક મહારાષ્ટ્રના કર્જત ખાતે આશરે 100 એકર જમીનમાં આ વિશાળ પરિસર તૈયાર કરવામાં આવશે. રવિવારે ખુદ નીતા અંબાણીએ આ ભગીરથ પ્રોજેક્ટનું ભૂમિપૂજન અને શિલાન્યાસ કર્યો હતો.

આ પ્રોજેક્ટનો મુખ્ય હેતુ એવા 5,000થી વધુ લોકોને આશરો આપવાનો છે, જેમને જીવનમાં પરિવારના સહારાની ખોટ સાલે છે. અહીં રહેતા લોકોને માત્ર રહેવાની જગ્યા જ નહીં, પરંતુ સુરક્ષા, ઉત્તમ આરોગ્ય સુવિધાઓ અને સન્માનજનક જીવન જીવવાની તક આપવામાં આવશે. અહીં બાળકોને સારું શિક્ષણ, વૃદ્ધોને યોગ્ય સારસંભાળ તેમજ હૂંફ અને દિવ્યાંગોને તેમની જરૂરિયાત મુજબની સારવાર તથા પુનર્વસનની વિશેષ સુવિધાઓ પૂરી પાડવામાં આવશે.

‘દરેક બાળકને પ્રેમ અને સુરક્ષા મળવી જોઈએ' - નીતા અંબાણી

ભૂમિપૂજન પ્રસંગે ભાવુક થતાં નીતા અંબાણીએ જણાવ્યું હતું કે, ‘અનંત આશ્રય' પ્રોજેક્ટ તેમના અને તેમના પરિવારના હૃદયની ખૂબ જ નજીક છે. પોતાની વાત રજૂ કરતાં તેમણે કહ્યું, "હું પોતે એક માતા છું અને એ વાત સારી રીતે સમજું છું કે પોતાના બાળકોને ખુશ, સુરક્ષિત અને સ્વસ્થ જોવા એ જ કોઈપણ માતા માટે સૌથી મોટું સુખ હોય છે. ભલે કોઈ બાળકની પાસે તેના માતા-પિતા ન હોય, છતાં તે પ્રેમ અને સુરક્ષા મેળવવાનો પૂરો હકદાર છે. જે લોકોએ પોતાનો પરિવાર ગુમાવ્યો છે અથવા ક્યારેય પરિવારનો પ્રેમ અનુભવ્યો જ નથી, તેમના માટે એક પરિવાર ઊભો કરવાનો આ અમારો એક નાનકડો પ્રયાસ છે."

બધા સમાચાર

+ વધુુ વાંચો