S-400ની શક્તિએ બનાવ્યો વિશ્વ રેકોર્ડ: શું હવે પુતિન સાથે Su-57, S-500ની થશે ડીલ?

Indian Air Force: ભારતીય વાયુસેનાએ ઓપરેશન સિંદૂર દરમિયાન રશિયન S-400 એર ડિફેન્સ સિસ્ટમનો ઉપયોગ કરીને 314 કિલોમીટર દૂરથી પાકિસ્તાની AWACS સર્વેલન્સ એરક્રાફ્ટને નિશાન બનાવી વિશ્વ રેકોર્ડ બનાવ્યો છે. બેંગલુરુમાં યોજાયેલા "કાત્રે મેમોરિયલ લેક્ચર"માં વાયુસેના પ્રમુખ એપી સિંહે આ વાતની પુષ્ટિ કરી. તેમણે જણાવ્યું કે S-400એ લગભગ 5 પાકિસ્તાની ફાઈટર જેટ્સને હવામાં જ નષ્ટ કર્યા, જેમાં 3 F-16 અને 1 C-130 એરક્રાફ્ટનો સમાવેશ થાય છે.

આ ઉપરાંત, એપી સિંહે બ્રહ્મોસ સુપરસોનિક ક્રૂઝ મિસાઈલની ચોકસાઈની પ્રશંસા કરી. ઓપરેશન સિંદૂરમાં 15 બ્રહ્મોસ મિસાઈલો દાગવામાં આવી અને પાકિસ્તાની એર ડિફેન્સ સિસ્ટમ એકપણ મિસાઈલને રોકી શકી નહીં. આ ઓપરેશનમાં ફ્રાન્સની SCALP મિસાઈલ, સ્વદેશી સ્કાયસ્ટ્રાઈકર અને ઈઝરાયેલના હારોપ ડ્રોનનું પ્રદર્શન પણ નોંધપાત્ર રહ્યું.

આ પણ વાંચો- India-US Trade War: ટ્રમ્પને જવાબ આપવાની તૈયારીમાં ભારત! અમેરિકન ચીજવસ્તુઓ પર લગાવી શકે છે ભારે ટેરિફ

આ ઘટનાએ એ બતાવ્યું કે ભવિષ્યના યુદ્ધોમાં એર ડિફેન્સ સિસ્ટમ અને મિસાઈલોની ભૂમિકા નિર્ણાયક રહેશે. ભારતીય સેનામાં 60%થી વધુ પ્લેટફોર્મ રશિયન છે, અને આ હથિયારોનું પ્રદર્શન હંમેશા વિશ્વસનીય રહ્યું છે. હવે, જ્યારે રશિયાના રાષ્ટ્રપતિ વ્લાદિમીર પુતિન ભારતની મુલાકાતે આવવાના છે, ત્યારે ચર્ચા શરૂ થઈ છે કે શું ભારત S-500 એર ડિફેન્સ સિસ્ટમ, Su-57 ફાઈટર જેટ અને R-37M લોંગ-રેન્જ મિસાઈલ ખરીદશે?

આ પણ વાંચો- Turkey earthquake: તૂર્કિયેમાં 6.1ની તીવ્રતાનો ભૂકંપ, આફ્ટરશોકથી ફફડાટ, ઈમારતો ધરાશાયી

રશિયાએ આ ઓફરમાં મેક ઈન ઈન્ડિયા હેઠળ ભારતમાં જ ઉત્પાદનનો પ્રસ્તાવ મૂક્યો છે. ચીન અને પાકિસ્તાનના વધતા જોખમોને ધ્યાનમાં રાખીને, શું ભારત રશિયા સાથે રક્ષા સહયોગ વધારશે?