ગુજરાતમાં મેઘરાજાની ધડબડાટી: છેલ્લા 24 કલાકમાં 150 તાલુકામાં વરસાદ, જાણો ક્યાં ખાબક્યો સૌથી વધુ કેટલો વરસાદ?

Gujarat Rain News: ગુજરાતમાં મેઘરાજા ફરી એકવાર મહેરબાન થયા છે. છેલ્લા 24 કલાક દરમિયાન 17 સપ્ટેમ્બર સવારે 6:00 વાગ્યાથી 18 સપ્ટેમ્બર સવારે 6:00 વાગ્યા સુધીના સમયગાળામાં રાજ્યના વાતાવરણમાં મોટો પલટો જોવા મળ્યો છે. મેઘરાજાએ સાર્વત્રિક હેત વરસાવતા રાજ્યના કુલ 150 જેટલા તાલુકાઓમાં નાની-મોટી માત્રામાં વરસાદ નોંધાયો છે. લાંબા સમયના વિરામ બાદ આવેલા આ વરસાદને કારણે લોકોને બફારા અને ગરમીથી મોટી રાહત મળી છે અને વાતાવરણ એકદમ ઠંડુગાર બની ગયું છે.

સૌથી વધુ અને સૌથી ઓછો વરસાદ ક્યાં પડ્યો?

વરસાદના આંકડાઓ પર નજર કરીએ તો, મોરબી જિલ્લાના માળીયા તાલુકામાં મેઘરાજાએ રૌદ્ર સ્વરૂપ બતાવ્યું છે. અહીં છેલ્લા 24 કલાકમાં સૌથી વધુ 131 મિમી (5.16 ઇંચ) જેટલો ધોધમાર વરસાદ ખાબક્યો છે. જ્યારે બીજી તરફ, લિસ્ટમાં 143થી 150 ક્રમાંક પર આવતા કેટલાક છેવાડાના તાલુકાઓમાં સાવ નહિવત વરસાદ જોવા મળ્યો છે. જામનગર, ભરૂચ, સાણંદ, રાણપુર, લુણાવાડા, છોટા ઉદેપુર અને માંડવી જેવા તાલુકાઓમાં સૌથી ઓછો એટલે કે માત્ર 1 મિમી (0.04 ઇંચ) જેટલો હળવો વરસાદ નોંધાયો છે.

છેલ્લા 24 કલાકમાં સૌથી વધુ વરસાદવાળા ટોપ-10 તાલુકા:

મેઘરાજાએ ખાસ કરીને ઉત્તર ગુજરાત અને સૌરાષ્ટ્રમાં સારો એવો પ્રભાવ પાડ્યો છે. સૌથી વધુ વરસાદ મેળવનાર ટોપ-10 તાલુકાઓની યાદી નીચે મુજબ છે: