કેન્દ્રીય મંત્રીમંડળે 4 રેલ પ્રોજેક્ટ્સને આપી મંજૂરી, 85.84 લાખની વસતીને મળશે સીધો ફાયદો, જાણો ક્યાં છે આ પ્રોજેક્ટ

કેન્દ્રીય મંત્રીમંડળે મંગળવારે ચાર રેલ્વે પ્રોજેક્ટ્સને મંજૂરી આપી હતી. રેલ્વે મંત્રી અશ્વિની વૈષ્ણવે જણાવ્યું હતું કે આ પ્રોજેક્ટ્સમાં વર્ધા-ભુસાવલ ત્રીજી અને ચોથી લાઇન, ગોંદિયા-ડોંગરગઢ ચોથી લાઇન, વડોદરા-રતલામ ત્રીજી અને ચોથી લાઇન અને ઇટારસી-ભોપાલ-બીના ચોથી લાઇનનો સમાવેશ થાય છે. આ પ્રોજેક્ટ્સનો ખર્ચ આશરે ₹24,634 કરોડ થશે. આ પ્રોજેક્ટ્સ ચાર રાજ્યો: મહારાષ્ટ્ર, મધ્યપ્રદેશ, ગુજરાત અને છત્તીસગઢના 18 જિલ્લાઓને આવરી લેશે અને ભારતીય રેલ્વેના હાલના નેટવર્કમાં આશરે 894 કિલોમીટરનો ઉમેરો કરશે.

મંજૂર પ્રોજેક્ટ્સ

વર્ધા - ભુસાવલ: ત્રીજી અને ચોથી લાઇનનું બાંધકામ - 314 કિલોમીટર (મહારાષ્ટ્ર)

ગોંદિયા - ડોંગરગઢ: ચોથી લાઇનનું બાંધકામ - 84 કિલોમીટર (મહારાષ્ટ્ર અને છત્તીસગઢ)

વડોદરા - રતલામ: ત્રીજી અને ચોથી લાઇનનું બાંધકામ - 259 કિલોમીટર (ગુજરાત અને મધ્યપ્રદેશ)

ઇટારસી - ભોપાલ - બીના: ચોથી લાઇનનું બાંધકામ - 237 કિલોમીટર (મધ્યપ્રદેશ)