US Iran Tension: ઈરાન પર હુમલો થશે? અમેરિકાની ચેતવણી- ‘અમારા ભરોસે રહેતા નહીં, તાત્કાલિક દેશ છોડો'

US Iran Tension: અમેરિકા અને ઈરાન વચ્ચેના સંબંધો ફરી એકવાર તંગ બન્યા છે. બંને દેશો વચ્ચે ચાલી રહેલા વાકયુદ્ધે હવે ગંભીર વળાંક લીધો છે. અમેરિકાએ ઈરાનમાં રહેતા પોતાના તમામ નાગરિકો માટે એક તાત્કાલિક એડવાઈઝરી જાહેર કરી છે, જેણે સમગ્ર વિશ્વમાં ચિંતા જગાવી છે. અમેરિકાના વિદેશ વિભાગે સ્પષ્ટ શબ્દોમાં કહ્યું છે કે ઈરાનમાં રહેતા અમેરિકન નાગરિકોએ સમય બગાડ્યા વગર તુરંત જ દેશ છોડી દેવો જોઈએ.

કેમ અચાનક વધી ગયું ટેન્શન?

આ મામલાની ગંભીરતા સમજવા માટે થોડું પાછળ જવું પડશે. ગયા વર્ષના અંતમાં ઈરાનમાં સત્તા વિરોધી મોટા આંદોલનો શરૂ થયા હતા. ઈરાન સરકારનો આરોપ છે કે આ દેખાવો પાછળ વિદેશી તાકાતોનો હાથ છે અને તે પ્રદર્શનકારીઓને આતંકવાદી ગણાવી રહી છે. બીજી તરફ, અમેરિકાએ ખુલ્લી ચેતવણી આપી છે કે જો ઈરાનમાં આંદોલનકારીઓની હત્યા કરવામાં આવશે, તો અમેરિકા ચૂપ નહીં બેસે અને ઈરાન પર હુમલો કરી શકે છે. આ નિવેદન બાદથી જ બંને દેશો વચ્ચે તણાવ ચરમસીમાએ પહોંચ્યો છે.

ઈરાનમાં અત્યારે શું સ્થિતિ છે?

મીડિયા રિપોર્ટ્સ અનુસાર, ઈરાનમાં હાલ સ્થિતિ સામાન્ય નથી. સુરક્ષાના કારણોસર સરકારે અનેક મુખ્ય રસ્તાઓ બંધ કરી દીધા છે. એટલું જ નહીં, મોબાઈલ નેટવર્ક અને ઈન્ટરનેટ સેવાઓ પણ ઠપ કરી દેવામાં આવી છે. આંતરરાષ્ટ્રીય એરલાઈન્સ પણ હવે ઈરાન જતી ફ્લાઈટ્સ રદ કરી રહી છે, જેના કારણે બહાર નીકળવું મુશ્કેલ બની રહ્યું છે.

અમેરિકાએ એડવાઈઝરીમાં શું સલાહ આપી?

અમેરિકાએ પોતાના નાગરિકોને સ્પષ્ટ કહી દીધું છે કે તેઓ સરકારની મદદની રાહ જોઈને બેસી ન રહે. જે કોઈ સાધન મળે તેનો ઉપયોગ કરીને જાતે જ દેશ છોડી દે. એડવાઈઝરીમાં નીચે મુજબના મુખ્ય મુદ્દાઓ જણાવવામાં આવ્યા છે: