Closing Bell : સેન્સેક્સ 130 પોઈન્ટ ઉછળ્યો, નિફ્ટી 24050 ને પાર, PSU બેંકના શેરોમાં શાનદાર કમાલ

Closing Bell : ભારતીય શેરબજારમાં આજે ફરી એકવાર પોઝિટિવ માહોલ જોવા મળ્યો છે. એક દિવસના વિરામ બાદ માર્કેટ ફરીથી લીલા નિશાનમાં બંધ થવામાં સફળ રહ્યું છે. ખાસ કરીને બ્રોડર માર્કેટ અને સરકારી બેંકોના શેરોએ રોકાણકારોને નિરાશ થવા દીધા નથી. બજારના બંને મુખ્ય ઈન્ડેક્સ આજે વધારા સાથે બંધ થયા છે.

સેન્સેક્સ અને નિફ્ટીની મજબૂત ચાલ

આજના ટ્રેડિંગ સેશનના અંતે બજારના આંકડા પર નજર કરીએ તો,,,BSEનો સેન્સેક્સ 130 પોઈન્ટ અથવા 0.17 ટકાના મજબૂત વધારા સાથે 77185 ના સ્તર પર બંધ થયો છે. નોંધનીય છે કે, છેલ્લા 5 માંથી 4 ટ્રેડિંગ સેશનમાં સેન્સેક્સમાં વધારો જ જોવા મળ્યો છે, જે બજારનો મજબૂત ટ્રેન્ડ દર્શાવે છે. નેશનલ સ્ટોક એક્સચેન્જનો નિફ્ટી ઈન્ડેક્સ પણ 26 પોઈન્ટ અથવા 0.11 ટકા ઉછળીને 24078.50 ની સપાટીએ બંધ થયો છે. નિફ્ટી 50ને ઉપર લઈ જવામાં આજે અલ્ટ્રાટેક સિમેન્ટ, ઈટર્નલ અને HDFC લાઈફ જેવા દિગ્ગજ શેરોનું મોટું યોગદાન રહ્યું છે.

બ્રોડર માર્કેટમાં જોવા મળી શાનદાર તેજી

આજે મુખ્ય ઈન્ડેક્સ કરતા મિડકેપ અને સ્મોલકેપ શેરોમાં રોકાણકારોએ વધુ રસ દાખવ્યો હતો.

નિફ્ટી મિડકેપ 150

આ ઈન્ડેક્સમાં લગભગ 0.5 ટકાનો ઉછાળો નોંધાયો હતો. મિડકેપ સ્પેસમાં L&T ટેકનોલોજી સર્વિસીઝ અને ગુજરાત ફ્લુરોકેમિકલ્સ જેવા શેરોએ બજારને લીડ કર્યું હતું અને સૌથી વધુ કમાણી કરાવી હતી.