Opening Bell: સેન્સેક્સ 140 પોઈન્ટ ઉછળ્યો, નિફ્ટી 23,800 ને પાર, જાણો આજના ટોપ ગેનર્સ અને લુઝર્સ

Opening Bell: ગ્લોબલ માર્કેટમાંથી મળી રહેલા મિશ્ર સંકેતો અને અમેરિકન માર્કેટમાં આઈટી શેરોમાં થયેલી વેચવાલી છતાં, આજે ભારતીય શેરબજારની શરૂઆત પોઝિટિવ રહી છે. બુધવારે શરૂઆતમાં બજાર ફ્લેટ ખૂલવાની શક્યતા દેખાઈ રહી હતી, પરંતુ ઓપનિંગ સાથે જ બજારે રિકવરી તરફ ગતિ પકડી લીધી છે. આજના ટ્રેડિંગ સેશનમાં Biocon, IRFC અને Honasa Consumer જેવા સ્ટોક્સ પર રોકાણકારોની ખાસ નજર રહેવાની છે.

સેન્સેક્સ અને નિફ્ટીમાં સુધારો

નબળા વૈશ્વિક સેન્ટિમેન્ટ વચ્ચે 24 જૂને ભારતીય બજારના બંને મુખ્ય ઇન્ડેક્સ વધારા સાથે ખુલ્યા છે અને નિફ્ટી ફરી એકવાર 23,800 ની મહત્વની સપાટીને પાર કરી ગયો છે.ટ્રેડિંગની શરૂઆતમાં સેન્સેક્સ 140.02 પોઈન્ટ અથવા 0.18 ટકા વધીને 76,340.70 ના સ્તરે પહોંચ્યો હતો. બીજી તરફ, નિફ્ટી પણ 32.10 પોઈન્ટ અથવા 0.13 ટકાના ઉછાળા સાથે 23,856.20 પર ટ્રેડ કરી રહ્યો હતો.બજાર ખુલતાની સાથે જ આશરે 1414 શેરોમાં તેજી જોવા મળી હતી, જ્યારે 849 શેરો ઘટાડા સાથે લાલ નિશાનમાં ટ્રેડ કરી રહ્યા હતા. આ સિવાય 156 શેરોના ભાવમાં કોઈ ફેરફાર નોંધાયો નથી.

ગઈકાલના મોટા કડાકા બાદ હળવી રાહત

આ અગાઉ મંગળવારે ભારતીય બજારમાં પ્રોફિટ બુકિંગ અને વેચવાલીની નવી લહેર જોવા મળી હતી. જેના કારણે બંને બેન્ચમાર્ક ઇન્ડેક્સ 1% થી વધુ તૂટ્યા હતા. ગઈકાલે સેન્સેક્સ 893.39 પોઈન્ટ (1.16%) ઘટીને 76,200.68 પર અને નિફ્ટી 50 ઇન્ડેક્સ 278.80 પોઈન્ટ (1.16%) ગગડીને 23,824.10 ના સ્તરે બંધ થયો હતો.

જોકે, આજે સવારે ગિફ્ટ નિફ્ટીના ટ્રેન્ડ્સે અગાઉથી જ બજાર માટે પોઝિટિવ સંકેત આપી દીધા હતા. ગિફ્ટ નિફ્ટી તેના અગાઉના બંધ ભાવથી લગભગ 60.50 પોઈન્ટના પ્રીમિયમ સાથે 23,871.00 ની આસપાસ ટ્રેડ કરી રહ્યો હતો, જેના કારણે સ્થાનિક બજારને આજે સારી શરૂઆત કરવામાં મદદ મળી છે.

આજના વધનારા અને ઘટનારા શેરો