Stocks to Watch: શેરબજારમાં આજે Ola Electric, Tata Steel અને SAIL સહિતના આ શેરોમાં મચશે ધમાલ, ઇન્ટ્રા-ડે માટે ચેક કરો ફટાફટ લિસ્ટ

* ઈન્દ્રપ્રસ્થ ગેસ અને JSW સિમેન્ટ

* સન ફાર્મા એડવાન્સ રિસર્ચ કંપની

* ઝાયડસ વેલનેસ, ત્રિવેણી ટર્બાઇન અને બજાર સ્ટાઈલ રિટેલ

આ કંપનીઓએ જાહેર કર્યા દમદાર પરિણામ (Q4 Results)

લેટેસ્ટ ક્વાર્ટર (Q4) ના પરિણામો જાહેર થતા જ નીચેની કંપનીઓના આંકડાઓએ બજારનું ધ્યાન ખેંચ્યું છે:

Tata Steel: લેટેસ્ટ ક્વાર્ટરમાં ટાટા સ્ટીલનો કન્સોલિડેટેડ નફો વાર્ષિક ધોરણે 146.9%ના જંગી ઉછાળા સાથે 2,965 કરોડ પર પહોંચી ગયો છે. જ્યારે કંપનીની આવક 12.5% વધીને 63,270.1 કરોડ થઈ છે.

ITC Hotels: કંપનીનો કન્સોલિડેટેડ નફો 23% વધીને 315.9 કરોડ થયો છે, અને રેવેન્યુ 18.2%ના વધારા સાથે 1,253.7 કરોડ પર પહોંચી છે.

Power Grid: પાવરગ્રીડનો નફો 9.7% વધીને 4,546.3 કરોડ થયો છે, જોકે તેની આવકમાં 5% નો ઘટાડો નોંધાયો છે અને તે 11,665.6 કરોડ રહી છે.

SAIL (સ્ટીલ ઓથોરિટી ઓફ ઈન્ડિયા): સેલ કંપનીના નફામાં 46.6% નો મોટો ઉછાળો આવ્યો છે અને તે 1,835.5 કરોડ થયો છે.

કોર્પોરેટ એક્ટિવિટી: આ શેરો બજારમાં મચાવશે ધમાલ

Coal India: ડિપાર્ટમેન્ટ ઓફ ઇન્વેસ્ટમેન્ટ એન્ડ પબ્લિક એસેટ મેનેજમેન્ટ (DIPAM) દ્વારા કોલ ઇન્ડિયાની સબસિડિયરી કંપની મહાનદી કોલફિલ્ડ્સના લિસ્ટિંગને લીલી ઝંડી મળી ગઈ છે. એટલે કે ટૂંક સમયમાં તેનો IPO માર્કેટમાં આવશે.

RBL Bank: RBL બેંકમાં એમિરેટ્સ NBD બેંકને 49%થી લઈને મહત્તમ 74% સુધીની હિસ્સેદારી ખરીદવા માટે નાણા મંત્રાલય તરફથી રેગ્યુલેટરી મંજૂરી મળી ગઈ છે.

Adani Ports: અદાણી પોર્ટ્સની પેટા કંપની TAHID એ મેરિડીયન ટ્રાન્સપોર્ટેસ મેરીટીમોસ SA માં 51% હિસ્સો ખરીદવા માટે કરાર કર્યા છે.

HFCL: આ કંપનીને ઓપ્ટિકલ ફાઈબર કેબલ સપ્લાય કરવા માટે વિદેશમાંથી 106.19 કરોડ ($1.11 કરોડ) નો મોટો ઓર્ડર મળ્યો છે.

Emcure Pharmaceuticals: અમેરિકી ડ્રગ રેગ્યુલેટર (US FDA) એ ફાર્મા કંપનીના સાણંદ પ્લાન્ટમાં તપાસ કરી હતી અને 7 ઓબ્ઝર્વેશન સાથે ફોર્મ 483 ઈશ્યુ કર્યું છે.

બલ્ક ડીલ્સ (Bulk Deals) અને F&O અપડેટ

મોટા રોકાણકારો દ્વારા થયેલી લે-વેચની બજાર પર સીધી અસર પડે છે.

Nazara Technologies: ઝીરોધા બ્રોકિંગે નઝારા ટેકનોલોજીસમાં 0.94% હિસ્સો (35 લાખ શેર) 265.85 ના ભાવે ખરીદ્યા છે. જ્યારે પ્રમોટર્સ કંપનીઓ (Mitter Infotech અને Exana Estates) એ 266 ના ભાવે મોટા પાયે શેરો વેચ્યા છે.

Sakar Healthcare: સ્ટેલર વેલ્થ પાર્ટનર્સ ઇન્ડિયાએ આ કંપનીના 1.95 લાખ શેર 664.58 ના ભાવે ખરીદ્યા છે.

F&O Ban: આજે વાયદા બજારમાં (F&O) બે શેરો પર પ્રતિબંધ છે, જેમાં કીન્સ ટેકનોલોજી ઇન્ડિયા અને SAIL (સેલ) નો સમાવેશ થાય છે. આ શેરોમાં આજે નવી પોઝિશન નહીં બનાવી શકાય.

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.