Mutual Fund investment: છેલ્લા કેટલાક મહિનાઓથી શેરબજારમાં ભારે ઉતાર-ચઢાવ (Volatility) જોવા મળી રહ્યો છે. માર્કેટની આ અસ્થિરતાને કારણે ઘણા રોકાણકારો ફરી એકવાર સુરક્ષિત ગણાતા લાર્જકેપ ફંડ્સ (Largecap Funds) તરફ વળ્યા છે. તાજેતરમાં મિડકેપ અને સ્મોલકેપ શેરોમાં પણ મોટો ઘટાડો નોંધાયો છે. એક સમયે આ ફંડ્સમાં જબરદસ્ત તેજી હતી, પરંતુ જો તમે ટૂંકા ગાળાને બદલે છેલ્લા 5 વર્ષના લેટેસ્ટ આંકડા પર નજર નાખશો, તો ચિત્ર સાવ અલગ જ જોવા મળશે.
Mutual Fund investment: છેલ્લા 5 વર્ષમાં આ મિડકેપ અને સ્મોલકેપ ફંડ્સે લાર્જકેપને પછાડ્યા, શું તમારું રોકાણ આમાં છે? જાણો લેટેસ્ટ રિપોર્ટ
Mutual Fund investment: છેલ્લા 5 વર્ષમાં મિડકેપ અને સ્મોલકેપ મ્યુચ્યુઅલ ફંડ્સે લાર્જકેપની સરખામણીમાં બમ્પર રિટર્ન આપ્યું છે. જાણો લેટેસ્ટ માર્કેટ ટ્રેન્ડ, રિટર્ન ડેટા અને કયા ફંડ્સે બેન્ચમાર્કને પાછળ છોડ્યો.
MoneyControl Newsઅપડેટેડ May 18, 2026 પર 2:13 PM
લાંબા ગાળાના રોકાણમાં મિડકેપ અને સ્મોલકેપ ફંડ્સે લાર્જકેપ ફંડ્સને મોટા માર્જિનથી પાછળ છોડી દીધા છે. હકીકતમાં, આ કેટેગરીના કેટલાક ફંડ્સે તો 5 વર્ષમાં લાર્જકેપ ફંડ્સના સરેરાશ રિટર્ન કરતા લગભગ બમણું રિટર્ન આપ્યું છે. જોકે, આમાં એક મોટી શરત એ પણ છે કે ખૂબ જ ઓછા ફંડ પોતાના બેન્ચમાર્કને (Benchmark) હરાવવામાં સફળ રહ્યા છે.
લાર્જકેપની સરખામણીમાં મિડ અને સ્મોલકેપનું રિટર્ન
જો આપણે છેલ્લા 5 વર્ષના લેટેસ્ટ પર્ફોર્મન્સ પર નજર કરીએ તો બંને વચ્ચેનો તફાવત સ્પષ્ટ દેખાય છે:
લાર્જકેપ ફંડ્સ: છેલ્લા 5 વર્ષમાં સરેરાશ 11.71 ટકા રિટર્ન આપ્યું છે.
મિડકેપ ફંડ્સ: આ કેટેગરીએ સરેરાશ 17.95 ટકા રિટર્ન આપ્યું છે.
સ્મોલકેપ ફંડ્સ: સૌથી વધુ સરેરાશ 18.88 ટકા રિટર્ન સ્મોલકેપમાં મળ્યું છે.
આ એક ઘણો મોટો તફાવત છે. જો તમે ટોપ પર્ફોર્મ કરતા ફંડ્સની વાત કરો તો કેટલાક મિડકેપ અને સ્મોલકેપ ફંડ્સે 5 વર્ષમાં વાર્ષિક 21 થી 22 ટકાથી પણ વધુ રિટર્ન આપ્યું છે. પરંતુ અહી નોંધવા જેવી બાબત એ છે કે, કેટેગરીનું એકંદર રિટર્ન સારું હોવા છતાં દરેક ફંડે સારું પ્રદર્શન કર્યું નથી.
ખૂબ ઓછા ફંડ્સે બેન્ચમાર્કને હરાવ્યો
મ્યુચ્યુઅલ ફંડમાં રોકાણ કરતી વખતે માત્ર કેટેગરી નહિ, પણ સાચું ફંડ પસંદ કરવું કેટલું જરૂરી છે તે આ આંકડા પરથી સમજાશે:
1000 કરોડ રૂપિયાથી વધુની એસેટ ધરાવતા 29 મિડકેપ ફંડ્સમાંથી માત્ર 7 ફંડ જ એવા છે, જે ‘Nifty Midcap 150 TRI' કરતા વધુ રિટર્ન આપી શક્યા છે. સ્મોલકેપ કેટેગરીના 28 ફંડ્સમાંથી માત્ર 11 ફંડ જ 'Nifty Smallcap 250 TRI' થી સારું પ્રદર્શન કરી શક્યા છે. આનો સીધો અર્થ એ છે કે જે રોકાણકારોએ યોગ્ય ફંડની પસંદગી કરી તેમને જ ખરો નફો મળ્યો છે.
શોર્ટ ટર્મમાં ભારે ઉતાર-ચઢાવનો ખતરો
આ લેટેસ્ટ રિપોર્ટમાં એક વાત સ્પષ્ટ છે કે હાલના સમયમાં આ ફંડ્સ ખૂબ જ વોલેટાઈલ (અસ્થિર) રહ્યા છે. ટોપ પર્ફોર્મન્સ આપનારા તમામ 5 સ્મોલકેપ ફંડ્સનો લાંબા ગાળાનો ટ્રેક રેકોર્ડ શાનદાર હોવા છતાં, છેલ્લા 6 મહિનામાં તેમણે નેગેટિવ રિટર્ન આપ્યું છે. આ સાબિત કરે છે કે સ્મોલકેપમાં ટૂંકા ગાળા માટે રોકાણ કરવું જોખમી સાબિત થઈ શકે છે.
આવો જ ટ્રેન્ડ મિડકેપ ફંડ્સમાં પણ જોવા મળ્યો છે. ઉદાહરણ તરીકે, ‘મોતીલાલ ઓસ્વાલ મિડકેપ ફંડ' છેલ્લા 5 વર્ષમાં 22.82 ટકાના વાર્ષિક રિટર્ન સાથે બેસ્ટ ફંડ રહ્યું છે. પરંતુ જો તમે તાજેતરના આંકડા જુઓ તો, છેલ્લા 6 મહિનામાં તેમાં 12.55 ટકા અને છેલ્લા એક વર્ષમાં 3.85 ટકાનો ઘટાડો નોંધાયો છે.
આ લેટેસ્ટ આંકડાઓ દર્શાવે છે કે બજારના હાલના ઉતાર-ચઢાવ છતાં, છેલ્લા 5 વર્ષમાં મિડ-કેપ અને સ્મોલ-કેપ ફંડ્સે લાર્જ-કેપની સરખામણીમાં રોકાણકારોને માલામાલ કર્યા છે. પરંતુ, માત્ર આંખો બંધ કરીને કોઈપણ ફંડમાં રોકાણ કરવાથી ફાયદો નથી થતો. યોગ્ય ફંડની પસંદગી અને એસેટ એલોકેશન (Asset Allocation) એ જ બજારમાંથી સાચો નફો કમાવવાની ચાવી છે.
ડિસ્ક્લેમર: મ્યુચ્યુઅલ ફંડ્સમાં રોકાણ બજારના જોખમોને આધીન છે. આ આર્ટિકલ ફક્ત જાણકારી માટે છે અને તેને કોઈપણ રીતે રોકાણની સલાહ તરીકે ગણવો જોઈએ નહીં. moneycontrol તેના વાચકોને નાણાં સંબંધિત કોઈ પણ નિર્ણય લેતા પહેલા તેમના નાણાકીય સલાહકારો સાથે અવશ્ય સલાહ લેવાની ભલામણ કરે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.