Stocks to Watch Today: 21 ઓગસ્ટે RailTel, HAL અને LIC Housing Finance સહિત આ શેરોમાં થશે મોટી હલચલ, જાણો લેટેસ્ટ અપડેટ્સ

Hindustan Aeronautics (HAL): HAL અને તેના પાર્ટનર દ્વારા બનાવવામાં આવેલ જોઈન્ટ વેન્ચર 'ઈન્ફોટેક HAL' ને બેંગલુરુ NCLT દ્વારા બંધ કરવાનો આદેશ આપવામાં આવ્યો છે. આ કંપનીમાં HAL ની 50% ભાગીદારી હતી.

Amagi Media Labs: સૂત્રોના જણાવ્યા અનુસાર, ટ્રુડી હોલ્ડિંગ્સ, AVP I ફંડ અને એક્સેલ સાથે મળીને અમાગી મીડિયા લેબ્સમાં 5% હિસ્સો વેચી શકે છે. આ ડીલ 600 કરોડ રૂપિયાની બ્લોક ડીલ દ્વારા થશે, જેની ફ્લોર પ્રાઇસ 550 રૂપિયા પ્રતિ શેર નક્કી કરાઈ છે.

Manipal Health Enterprises: એપ્રિલ-જૂન 2026 ના પહેલા ક્વાર્ટરમાં કંપનીનો નફો વાર્ષિક ધોરણે 7.5% ઘટીને 231.65 કરોડ રૂપિયા થયો છે. જોકે, તેમની આવક 38.1% વધીને 3,090.6 કરોડ રૂપિયા પર પહોંચી છે.

InterGlobe Aviation (IndiGo): જુલાઈ મહિનામાં ઈન્ડિગોએ 67.4% માર્કેટ શેર સાથે ડોમેસ્ટિક એવિએશન માર્કેટમાં પોતાનો દબદબો જાળવી રાખ્યો છે. કંપનીએ આ મહિનામાં કુલ 80.82 લાખ મુસાફરોને યાત્રા કરાવી છે.

Torrent Power: કંપનીના ચીફ ફાઇનાન્શિયલ ઓફિસર સૌરભ મશરૂવાલાએ નિવૃત્તિને કારણે રાજીનામું આપ્યું છે, જે 20 ઓગસ્ટ 2026 થી લાગુ થશે. તેમની જગ્યાએ 21 ઓગસ્ટથી વિકાસ પોદ્દાર નવા CFOનો ચાર્જ સંભાળશે.

Saatvik Green Energy: કંપનીની સબસિડિયરી સાત્વિક સોલાર ઈન્ડસ્ટ્રીઝને એક મોટા પાવર પ્રોડ્યુસર તરફથી સોલાર મોડ્યુલ સપ્લાય કરવા માટે 190 કરોડ રૂપિયાનો જંગી ઓર્ડર મળ્યો છે.

Krishna Institute of Medical Sciences (KIMS): KIMS એ એરેટ હોસ્પિટલ્સનું સંચાલન કરવા માટે ઓરેવિયા હોસ્પિટલ્સ (AHPL) સાથે 5 વર્ષનો ઓપરેશન્સ અને મેનેજમેન્ટ એગ્રીમેન્ટ કર્યો છે.

Lemon Tree Hotels: કંપનીએ ગુજરાતના ભરૂચમાં 85 રૂમની સુવિધા ધરાવતી નવી હોટલ ખોલવાની જાહેરાત કરી છે. ગુજરાતમાં આ તેમની 12 મી કાર્યરત હોટલ છે.

બલ્ક અને બ્લોક ડીલ્સમાં આ શેરોમાં થઈ મોટી ખરીદ-વેચાણ

Pfizer: ક્વોન્ટ મ્યુચ્યુઅલ ફંડે ફાર્મા કંપની ફાઈઝરમાં 131.25 કરોડ રૂપિયાનું રોકાણ કરી વધુ 2.67 લાખ શેર ખરીદ્યા છે.

Apollo Pipes: HR ગ્લોબલ મેન્યુફેક્ચરિંગે 23.5 કરોડ રૂપિયામાં કંપનીના 3.98 લાખ શેર વેચ્યા છે.

Amrutanjan Health Care: અહીં મોટી ઉથલપાથલ જોવા મળી છે. પારી વોશિંગ્ટન ફંડે 29.17 કરોડ રૂપિયામાં 5.83 લાખ શેર ખરીદ્યા છે, જ્યારે એન્વિઝન ફંડ અને DSP મ્યુચ્યુઅલ ફંડે અનુક્રમે 11.15 કરોડ અને 25 કરોડ રૂપિયાના શેર વેચ્યા છે.

Welspun Investments: લોયડ્સ એન્ટરપ્રાઇઝે 4.11 કરોડ રૂપિયામાં વધુ 22,238 શેરની ખરીદી કરી છે.

Credent Connect N Care: મોતીલાલ ઓસ્વાલે 11.15 કરોડ રૂપિયામાં 2.98 લાખ શેર અને OM ટ્રેડિંગે 3.59 કરોડ રૂપિયામાં 1 લાખ શેર ખરીદ્યા છે.

આજે કઈ SME કંપનીઓનું થશે લિસ્ટિંગ?

શેરબજારના SME પ્લેટફોર્મ પર આજે ત્રણ નવી કંપનીઓ એન્ટ્રી મારવા જઈ રહી છે:

* ટેક્નોક્રેટ્સ પ્લાઝ્મા સિસ્ટમ્સ

* ENS એન્ટરપ્રાઇઝેસ

* સ્કાયટેક ઇન્ફિનિટ પ્લેટફોર્મ

એક્સ-ડિવિડન્ડ, બાયબેક અને બોનસ

આજે 30 થી વધુ કંપનીઓના શેર એક્સ-ડિવિડન્ડ ટ્રેડ કરશે. જેમાં મુખ્યત્વે LIC હાઉસિંગ ફાઇનાન્સ, જિંદાલ સ્ટીલ, જિંદાલ સ્ટેનલેસ, પતંજલિ ફૂડ્સ, eClerx સર્વિસિસ, હિટાચી એનર્જી ઇન્ડિયા, સૂર્યા રોશની અને ZEN ટેક્નોલોજીસ જેવા મોટા નામ સામેલ છે. આ ઉપરાંત ગાંધી સ્પેશિયલ ટ્યુબ્સ બાય-બેક માટે અને ગુડલક ઇન્ડિયા બોનસ શેર માટે આજે એક્સ-ટ્રેડ કરશે.

F&O બેનવાળા સ્ટોક્સ

આજના ટ્રેડિંગ સેશનમાં 3 શેરો પર ફ્યુચર એન્ડ ઓપ્શન્સ સેગમેન્ટમાં પ્રતિબંધ મૂકવામાં આવ્યો છે. આ શેરોમાં મણપ્પુરમ ફાઇનાન્સ, બંધન બેંક અને સ્ટીલ ઓથોરિટી ઓફ ઈન્ડિયાનો સમાવેશ થાય છે.

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.