Share Market Rally: ગ્લોબલ માર્કેટમાંથી મળેલા પોઝિટિવ સંકેતોને પગલે આજે ભારતીય શેર બજારમાં દિવાળી જેવો માહોલ જોવા મળ્યો છે. અમેરિકા અને ઈરાન વચ્ચે ડીલ થવાના સમાચારો આવતાની સાથે જ સેન્સેક્સ અને નિફ્ટી રોકેટની જેમ ઉપર ભાગ્યા હતા. સરકારી બેન્કોના મજબૂત સપોર્ટથી માર્કેટમાં ચારેકોર હરિયાળી છવાઈ ગઈ છે.
Share Market Rally: શેરબજારમાં તોફાની તેજી, સેન્સેક્સ 1700 પોઇન્ટ ઉછળ્યો, નિફ્ટી 23600ને પાર, જાણો માર્કેટ રોકેટ બનવાના 5 મોટા કારણો
અમેરિકા-ઈરાન શાંતિ કરારની આશા અને PSU બેન્કોના સપોર્ટથી ભારતીય શેરબજારમાં ઐતિહાસિક ઉછાળો. સેન્સેક્સ 1700 પોઇન્ટ વધીને 75,531 અને નિફ્ટી 23,628 પર. જાણો બજારની તેજી પાછળના 5 મુખ્ય કારણો.
MoneyControl Newsઅપડેટેડ Jun 12, 2026 પર 3:59 PM
આજના માર્કેટની શાનદાર હાઈલાઈટ્સ
આજે બપોરે 3:24 વાગ્યા સુધીના આંકડા મુજબ, બેન્ચમાર્ક ઇન્ડેક્સમાં 2 ટકાથી વધુનો ઉછાળો નોંધાયો છે. સેન્સેક્સ 1698.74 પોઇન્ટ્સના મસમોટા ઉછાળા સાથે 75,531.29 ના સ્તર પર પહોંચી ગયો છે. ઈન્ટ્રા-ડેમાં સેન્સેક્સે 1775.47 પોઇન્ટ ઉછળીને 75,608.0 ની ટોચ બનાવી હતી. નિફ્ટી 50 466.45 પોઇન્ટ્સના વધારા સાથે 23,628.05 પર કારોબાર કરી રહ્યો છે. ઈન્ટ્રા-ડેમાં નિફ્ટી 23,645.35 સુધી પહોંચી ગયો હતો. નિફ્ટી મિડકેપ 100 અને નિફ્ટી સ્મોલકેપ 100 ઇન્ડેક્સમાં પણ 2.5% થી વધુનો ઉછાળો જોવા મળ્યો છે.
તોફાની તેજી પાછળના 5 મુખ્ય કારણો
1. અમેરિકા-ઈરાન વચ્ચે શાંતિ કરારની આશા
અમેરિકન રાષ્ટ્રપતિ ડોનાલ્ડ ટ્રમ્પે આ વીકએન્ડ સુધીમાં ઈરાન સાથે શાંતિ કરાર થવાની સંભાવના વ્યક્ત કરી છે. જો આ કરાર થશે તો 'હોર્મુઝ સ્ટ્રેટ' ફરીથી ખૂલી જશે. ઈરાને પણ કરાર માટે હકારાત્મક વલણ દાખવતા દુનિયાભરના બજારોમાં ઉત્સાહ જોવા મળ્યો છે.
2. કાચા તેલના ભાવમાં ઘટાડો
અમેરિકા અને ઈરાન વચ્ચેના તણાવમાં ઘટાડો થવાની આશાએ ગ્લોબલ માર્કેટમાં બ્રેન્ટ ક્રૂડના ભાવમાં મોટો ઘટાડો નોંધાયો છે. ક્રૂડ ઓઇલ 2% ઘટીને 89 ડોલરની નીચે 88.77 ડોલર પ્રતિ બેરલ પર આવી ગયું છે, જે ભારતીય અર્થતંત્ર માટે ખૂબ જ સારા સમાચાર છે.
3. રૂપિયાની મજબૂતી
ક્રૂડ સસ્તું થવાને કારણે આજે ભારતીય ચલણ રૂપિયાને પણ મોટો સપોર્ટ મળ્યો છે. અમેરિકન ડોલરની સામે રૂપિયો આજે શરૂઆતી કારોબારમાં 39 પૈસાની મજબૂતી સાથે 95.37 ના સ્તર પર ખુલ્યો હતો.
4. એશિયન અને ગ્લોબલ માર્કેટ્સમાં શાનદાર તેજી
જિયોપોલિટિકલ ટેન્શન ઘટવાની આશાએ એશિયન બજારોમાં બમ્પર તેજી આવી છે. દક્ષિણ કોરિયાનો કોસ્પી 8% અને જાપાનનો નિક્કેઈ 4% ઉછળ્યો છે. આ ઉપરાંત તાઈવાન માર્કેટમાં 2.5%, હોંગકોંગના હેંગસેંગમાં 2% અને ચીનના શંઘાઈ કમ્પોઝિટમાં 1% થી વધુનો વધારો જોવા મળ્યો છે. અમેરિકન માર્કેટમાં નાસ્ડેક 2.5% અને યુરોપિયન બજારો પણ ગઈકાલે મજબૂતી સાથે બંધ થયા હતા.
5. સરકારી બેન્કોનો જોરદાર સપોર્ટ
માર્કેટને ઉપર લઈ જવામાં આજે બેન્કિંગ સેક્ટરનો ફાળો સૌથી મોટો રહ્યો છે. નિફ્ટી PSU બેન્ક ઇન્ડેક્સમાં 1.5% અને પ્રાઇવેટ બેન્કમાં 1% થી વધુનો ઉછાળો જોવા મળ્યો છે. આ ઉપરાંત રિયલ્ટી સેક્ટરમાં 1.5% તેમજ ફાર્મા, મેટલ અને FMCG માં 0.5% નો વધારો થયો છે. જોકે, નફાવસૂલીના કારણે IT સેક્ટરમાં આજે થોડી નરમાઈ જોવા મળી હતી.
ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.